தூத்துக்குடி- சென்னைக்கு புதிய விமான சேவை தொடக்கம் : ஏர் கார்னிவெல் அறிமுகம்

தூத்துக்குடியிலிருந்து சென்னைக்கு ஏர் கார்னிவெல் நிறுவனம் புதிய விமான சேவையை வரும் 20 ம் தேதி தொடங்குகிறது.

 கோயமுத்துாரை சேர்ந்த பிரபல தொழிலதிபர் எஸ்.ஐ நாதன் என்பவருக்கு சொந்தமான ஏர் கார்னிவெல் நிறுவனம் சார்பில் தூத்துக்குடியிலிருந்து சென்னைக்கு புதிய விமான சேவை இயக்கப்பட இருக்கிறது.

 வரும்  20 ம் தேதி மதியம் 2.25 மணிக்கு சென்னையிலிருந்து புறப்படும் விமானம் 3.50 மணிக்கு தூத்துக்குடியை வந்தடைகிறது. தூத்துக்குடியிலிருந்து மாலை 4.10 மணிக்கு புறப்படும் விமானம் மாலை 5.25க்கு சென்னையை சென்றடைகிறது. 70 பேர் செல்லக்கூடிய இவ்விமானத்தில் 1450 ரூபாய் விமான பயண கட்டணமாக நிர்ணயிக்கப்பட்டுள்ளது.