அடிப்படை கொள்கையில் இருந்து பாமக விலகுகிறது: வியனரசு

அடிப்படை கொள்கைகளில் இருந்து பாமக விலகிச் செல்கிறது என தமிழர் உரிமை கூட்டமைப்பு ஒருங்கிணைப்பாளர் வியனரசு தெரிவித்தார். திருநெல்வேலியில் அவர் மேலும் கூறியது: தமிழக அரசியலில் தேர்தலுக்கு முன்பு முதல்வர் வேட்பாளரை அறிவிக்கும் வழக்கம் இல்லை. ஆனால் பாட்டாளி மக்கள் கட்சி, அன்புமணி ராமதாசை முதல்வர் வேட்பாளராக அறிவித்து பிரசாரம் மேற்கொண்டு வருகிறது. தனது அடிப்படை கொள்கைகளில் இருந்து பாமக விலகிச் செல்கிறது. இனிமேல் திராவிடக் கட்சிகளோடு கூட்டணி கிடையாது என அறிவித்துவிட்டு, நாடாளுமன்ற தேர்தலில் பாஜக மற்றும் திராவிடக் கட்சிகளோடு பாட்டாளி மக்கள் கட்சியினர் கூட்டணி வைத்தது குறிப்பிடத்தக்கது என்றார் அவர்.