சாம்சங் நிறுவனம் அதிகாரப்பூர்வமாக சாம்சங் கேலக்ஸி அன்பேக்டு மெய்நிகர் நிகழ்வை ஆகஸ்ட் 11 அன்று நடத்த திட்டமிட்டுள்ளது.
இப்போது அறிமுகப்படுத்தப்படுவதற்கு முன்னதாக, கேலக்ஸி Z ஃபோல்டு 3 மற்றும் கேலக்ஸி Z ஃப்ளிப் 3 விலைகள் குறித்த தகவல்கள் மீண்டும் கசிந்துள்ளன.
இதற்கிடையில், வரவிருக்கும் சாம்சங் மடிக்கக்கூடிய தொலைபேசிகளுக்கான முன்கூட்டிய ஆர்டர்கள் இந்தியாவில் தொடங்கியுள்ளதாகவும் தகவல் வெளியாகியுள்ளது.
பல சாம்சங் ஆஃப்லைன் சில்லறை விற்பனையாளர்கள் கேலக்ஸி Z ஃபோல்டு 3 மற்றும் ஃபிளிப் 3 க்கான முன்கூட்டிய ஆர்டர்களை ஏற்க தொடங்கியுள்ளனர்.
Cellular World எனப்படும் பல-மொபைல் சில்லறை விற்பனைக் கடை வரவிருக்கும் சாம்சங் மடிக்கக்கூடிய தொலைபேசிகளுக்கான முன்கூட்டிய ஆர்டர்களை ஏற்கத் தொடங்கியுள்ளது.
Galaxy Z Flip 3 கசிந்த விலை விவரங்கள்
ட்விட்டரில் @snoopytech என்ற டிப்ஸ்டர் மூலம் வெளியான கசிவுகளின்படி, கேலக்ஸி Z ஃபோல்டு 3 போனின் 256 ஜிபி மாடலுக்கு யூரோ 2,009 (தோராயமாக ரூ.1.77 லட்சம்) விலை நிர்ணயம் செய்யப்பட்டுள்ளதாகவும் 512 ஜிபி மாடலுக்கு யூரோ 2,099 (தோராயமாக ரூ. 1.85 லட்சம்) விலை நிர்ணயம் செய்யப்பட்டுள்ளதாகவும் கூறப்படுகிறது.
அதையடுத்து கேலக்ஸி Z ஃப்ளிப் 3 போனின் 8 ஜிபி ரேம் + 128 ஜிபி ஸ்டோரேஜ் மாடலின் விலை யூரோ 1,029 (தோராயமாக ரூ.90,800) ஆகவும் 8GB + 256GB மாடலின் விலை EUR 1,109 (தோராயமாக ரூ.97,800) ஆகவும் நிர்ணயம் செய்யப்பட்டுள்ளதாக கூறப்படுகிறது.
இருப்பினும், இரண்டு மடிக்கக்கூடிய தொலைபேசிகளின் அதிகாரப்பூர்வ விலை விவரங்கள் இன்னும் அறிவிக்கப்படவில்லை.
மற்றொரு அறிக்கையின்படி, இந்தியாவில் சாம்சங் கேலக்ஸி Z ஃபோல்டு 3 விலை ரூ.1,49,990 MRP உடன் சுமார் ரூ.1,35,000 விலைக்கு விற்பனை செய்யப்படும் என்று தகவல் கசிந்துள்ளது.
சாம்சங் கேலக்ஸி Z ஃபிளிப் 3 விலை ரூ.80,000 முதல் ரூ.90,000 வரை விலைக்கொண்டிருக்கலாம் என்றும் எதிர்பார்க்கப்படுகிறது.
