கேரளாவில் பெண்கள் நலனுக்காக ‘ஸ்திரீ சக்தி’ லாட்டரி

கேரளாவில் அரசு சார்பில் லாட்டரி குலுக்கல் நடத்தப்பட்டு பம்பர் பரிசுகள் வழங்கப்பட்டு வருகிறது. இந்த நிலையில் கேரளாவில் பெண்கள் நலனுக்காகவும் ஒரு புதிய லாட்டரி சீட்டு அறிமுகப்படுத்த கேரள அரசு தீர்மானித்துள்ளது. ‘ஸ்திரீ சக்தி’ என்ற பெயரில் இந்த லாட்டரி சீட்டு அறிமுகப்படுத்தப்பட உள்ளது. இந்த லாட்டரி சீட்டின் விலை ரூ.50 ஆகும். இதன் பரிசு குலுக்கல் ஒவ்வொரு வெள்ளிக்கிழமைகளிலும் நடத்தப்படும். ‘ஸ்திரீ சக்தி’ லாட்டரி விற்பனை மூலம் இந்த வருடம் ரூ.100 கோடி வருமானம் கிடைக்கும் என்று எதிர்பார்க்கப்படுகிறது.