இந்திய ஆண்கள் ஹாக்கி அணியின் புதிய பயிற்சியாளராக ஆஸ்திரேலியாவை சேர்ந்த கிரஹாம் ரீட் நியமனம் செய்யப்பட்டுள்ளார்.
புவனேஸ்வரத்தில் கடந்த ஆண்டு டிசம்பர் மாதம் நடந்த உலக கோப்பை ஹாக்கி போட்டியில் இந்திய அணி காலிறுதியில் தோல்வியை தழுவியது. இதனை அடுத்து இந்திய ஹாக்கி அணியின் தலைமை பயிற்சியாளராக இருந்த இந்திய முன்னாள் வீரர் ஹரேந்திர சிங் நீக்கம் செய்யப்பட்டார். அதன் பிறகு புதிய பயிற்சியாளர் நியமனம் செய்யப்படவில்லை.
இந்த நிலையில் இந்திய ஆண்கள் ஹாக்கி அணியின் புதிய பயிற்சியாளராக ஆஸ்திரேலியாவை சேர்ந்த 54 வயதான கிரஹாம் ரீட் நியமனம் செய்யப்பட்டுள்ளார். 130 சர்வதேச போட்டியில் விளையாடி இருக்கும் கிரஹாம் ரீட் 1992-ம் ஆண்டு ஒலிம்பிக் போட்டியில் வெள்ளிப்பதக்கம் வென்ற ஆஸ்திரேலிய அணியில் இடம் பிடித்து இருந்தார்.