ஆரோக்கிய சமையல்: கொள்ளு இனிப்பு உருண்டை!

கொள்ளு இனிப்பு உருண்டை

தேவையானவை:
கொள்ளு – ஒரு கப்,
பொடித்த வெல்லம் – முக்கால் கப், ஏலக்காய்த்தூள் – கால் டீஸ்பூன்,
தேங்காய் துருவல் – கால் கப்,
நெய் – சிறிதளவு.

செய்முறை: .
வாணலியில் நெய் விட்டு கொள்ளை லேசாக வறுத்து எடுத்து, குக்கரில் ஒரு விசில் வரும் வரை வேகவிட்டு எடுக்கவும். பிறகு, நீரை நன்கு வடித்து… பொடித்த வெல்லம், ஏலக்காய்த்தூள் சேர்த்து மிக்ஸியில் ஒரு சுற்று சுற்றவும். இதனுடன் தேங்காய் துருவல் சேர்த்து நன்கு கிளறி, சின்னச் சின்ன உருண்டைகளாக பிடித்து சாப்பிடக் கொடுக்கவும்.