பாட்னா:

பீகார் சட்டசபை தேர்த லில் ஐக்கிய ஜனதா தளம்- ராஷ்டிரீய ஜனதா தளம் கூட்டணி வெற்றி பெற்று ஆட்சியைப் பிடித்தது. இந்த கூட்டணியின் முதல்- மந்திரியாக நிதிஷ்குமார் கடந்த 14-ந்தேதி தேர்வு செய்யப்பட்டார்.

இன்று பிற்பகலில் பாட்னாவில் காந்தி மைதானத்தில் நட்ந்த விழாவில் பீகார் முதல்-மந்திரியாக நிதிஷ் குமார் பதவி ஏற்று கொண்டார். அவருக்கு மாநில கவர்னர் ராம்நாத் குபிந் பதவிப்பிரமாணமும் ரகசிய காப்பு பிரமாணமும் செய்து வைத்தார்.நிதிஷ்குமார் மந்திரிசபையில் லல்லு பிரசாத் யாதவின் மகன்கள் தேஜ் பிரதாப், தேஜஸ்வி யாதவ் ஆகியோரும் இடம் பெற்று உள்ளனர். அவர்களும் பதவி ஏற்று கொண்டார்கள்.

விழாவில் பிரதமர் நரேந்திர மோடி சார்பில் மத்திய மந்திரி வெங்கய்யா நாயுடு கலந்து கொண்டார். தேசிய வாத காங்கிரஸ் தலைவர் சரத்பவார், மற்றும் 9 மாநில முதல் மந்திரிகள், முன்னாலள் பிரதமர் எச்.டி தேவே கவுடா,தி.மு.க த்லைவர் கருணாநிதி சார்பில் மு.க ஸ்டாலின் ஆகியோர் கலந்து கொண்டனர்.

9ஆம் வகுப்பு படித்த லாலு பிரசாத் யாதவின் இளைய மகன் தேஜ்ஸ்வி பீகாரின் துணை முதலமைச்சராக பதவியேற்றார்.

பிகாரில் சமீபத்தில் நடந்து முடிந்த சட்டசபை தேர்தலில், நிதிஷ் குமார் வெற்றி பெற்றார். அவருடன் லாலு பிரசாத் யாதவும் கூட்டணி அமைத்திருந்தார். லாலு தனது இரண்டு மகன்களையும் இந்த தேர்தலில் களமிறக்கினார். முடிவில் இருவருமே வெற்றி பெற்றனர்.

இந்நிலையில், அவரது இளைய மகன் தேஜஸ்வி துணை முதல்வராக பதவியேற்றார். தேஜஸ்வியின் வயது 24. வெறும் 9 ஆம் வகுப்பு வரைதான் படித்துள்ளார். இவரை லாலு பிரசாத் தனது கூட்டங்களுக்கு அழைத்துச் சென்று அவருக்கு அரசியலை கற்றுக் கொடுத்தார். இவர் ஒரு கிரிக்கெட் வீரரும் கூட. ஐ.பி.எல். கிரிக்கெட்டில் இடம் பெற்று விளையாடி இருக்கிறார்.

லல்லுவின் மூத்தமகன் தேஜ்பிரதாப்(28). இருந்தாலும் தனது இளையமகன் தேஜஸ்வியையே லாலு தனது அரசியல் வாரிசாக அறிமுகப்படுத்தியிருக்கிறார்.

மாட்டுத்தீவன ஊழல் வழக்கில் சிக்கி முதலமைச்சர் பதவியை இழந்த லாலு, உடனடியாக தனது மனைவி ராப்ரிதேவியை தேர்தலில் நிறுத்தி பீகாரின் முதலமைச்சர் அரியணையில் அமர வைத்து அழகு பார்த்தார். படிப்பாவது! அனுபவமாவது! செல்வாக்கும் இருந்து, இந்திய மக்களிடம் எப்படி அரசியல் செய்ய வேண்டும் என்ற கலையும் தெரிந்தால், யார் வேண்டுமானாலும், இந்திய அரசியலில் எந்த பதவிக்கும் வர முடியும் என்பதை லாலு பிரசாத் யாதவ் பலமுறை நிரூபித்து வருகிறார்.

காங்கிரஸ் தலைவர் சோனியா காந்தி தன் மகன் ராகுல் காந்திக்கு கட்சியின் வரலாறு குறித்து சொல்லிக் கொடுக்க வேண்டும் என பா.ஜ.க தலைவர்களில் ஒருவரும் நாடாளுமன்ற விவகாரத்துறை அமைச்சருமான முக்தார் அப்பாஸ் நக்வி கூறினார்.

மேலும் அவர் கூறும்போது ராகுல் காந்தி முதிர்ச்சி பெற யோகா குரு பாபா ராம்தேவ் ஆசிரமத்திற்கு ஒரு முறை சென்று வந்தால் நல்லது என்றும் கூறினார். முன்னதாக ராகுல் காந்தி, பிரிட்டன் குடியுரிமை பெற்றவர் என்பதை நிரூபிக்க சிபிஐ அல்லது அமலாக்கத் துறை விசாரணை நடத்த வேண்டுமென்று பாஜக மூத்த தலைவர் சுப்பிரமணியன் சுவாமி வலியுறுத்தியுள்ளார்.

பிரிட்டன் நிறுவனங்களுக்கான சட்டத் துறை அதிகாரிகளிடம் அளித்த ஆவணத்தில் தன்னை அந்நாட்டு குடிமகன் என்று ராகுல் காந்தி அறிவித்துள்ளார் என்று சுப்பிரமணியன் சுவாமி குற்றம் சாட்டியிருந்தார். தில்லியில் இளைஞர் காங்கிரஸ் தொண்டர்களிடையே நேற்று ராகுல் காந்தி பேசும் போது தன் மீதும் தன் குடும்ப உறுப்பினர்கள் மீதும் கூறப்படும் குற்றச்சாட்டுகள் ஆதாரமற்றவை. பா.ஜ.க அரசுக்கு துணிச்சல் இருந்தால் என்னை கைது செய்து பார்க்கட்டும்.

நான் எந்த தவறும் செய்யவில்லை என கூறியிருந்தார். அதற்கு பதில் அளிக்கும் விதமாக முக்தார் அப்பாஸ் நக்வி ராகுல் காந்தி முதிர்ச்சி பெற யோகா குரு பாபா ராம்தேவ் ஆசிரமத்திற்கு ஒரு முறை சென்று வந்தால் நல்லது என்று கூறினார்.