பூடான் பிரதமர் ஷேரிங் டாப்கேகோவா மாநிலத்தில் நடைபெறும் சர்வதேச மாநாட்டில் பங்கேற்பதற்காக இந்தியாவுக்கு இன்று வருகை தருகிறார்.மேலும் நாளை மறுதினம் (நவம்பர் 15) “நாகரீகத்திடம் இருந்து கற்றல்” என்ற தலைப்பில் நடைபெற்வுள்ள கருத்தரங்கில் அவர் உரையாற்றுகிறார்.

இந்தியாவின் சிந்தனைகள்’ என்ற தலைப்பிலான சர்வதேச மாநாடு கோவாவில் இன்று நடைபெறுகிறது. இந்த மாநாட்டில் பூடான் பிரதமர் ஷேரிங் டாப்கேவை சிறப்பு விருந்தினராக கலந்து கொள்ளுமாறு இந்திய அறக்கட்டளை விடுத்துள்ள அழைப்பை ஏற்று, கோவாவுக்கு அவர் வருகை தருகிறார்.

கோவாவில், பாதுகாப்புத் துறை அமைச்சர் மனோகர் பாரிக்கர், கோவா ஆளுநர் மிருதுள் சின்ஹா, கோவா முதல்வர் லக்‌ஷ்மிகந்த் பர்சேகர் ஆகியோரை அவர் சந்தித்து ஆலோசனை நடத்துவார் என்று வெளியுறவு துறை அமைச்சகம் வெளியிட்டுள்ள அரிக்கையில் தெரிவிக்கப்பட்டுள்ளது.

உலகிலேயே அதிகளவானவர்களால் பயன்படுத்தப்பட்டுவரும் கூகுளின் குரோம் இணைய உலாவிக்கான சேயைானது பழைய இயங்குதளங்களுக்கு வழங்கப்படுவது நிறுத்தப்படவுள்ளது.

இதன்படி வரும் 2016 ஆம் ஆண்டு முதல் Windows XP, Vista , Mac 10.6, 10.7 மற்றும் 10.8 ஆகிய இயங்குதளங்களுக்கான சேவை நிறுத்தப்படவுள்ளது.

மைக்ரோசொப்ட் நிறுவனம் தனது புதிய இயங்குதளமான விண்டோஸ் 10 இனை அறிமுகம் செய்யப்பட்டபின்னர் அதிகளவான கணினிகள் உட்பட மொபைல் சாதனங்களில் அவ் இயங்குதளம் பயன்பாட்டில் வந்துள்ளது.

இதனைக் கருத்தில் கொண்டு இனி வரும் காலங்களில் புதிய இயங்குதளங்கள் ஊடான சேவையை வழங்க முடிவுசெய்யப்பட்டுள்ளது.

காஞ்சிபுரம் மாவட்டத்தில் பெய்து வரும் கனமழை காரணமாக, 47 வீடுகள் முழுமையாகவும், 224 வீடுகள் சேதமாகிஉள்ளன.மழை காரணமாக, ஆறு பேர் இறந்துள்ளனர். மேலும், 18 மாடுகள் ஒன்பது ஆடுகள்; இரண்டு கன்றுக்குட்டி; 10 கோழிகள் இறந்துள்ளன; 11 பேர் காயமடைந்துள்ளதாக வருவாய் துறையினர் தெரிவிக்கின்றனர்.

தமிழகமெங்கும் பெய்து வரும் கன மழை காரணமாக, உயிரிழப்பு மற்றும் ஏராளமான குடியிருப்புகள் பாதிக்கப்பட்டு வருகின்றன. அந்த வகையில், காஞ்சிபுரம் மாவட்டத்தில் மழை காரணமாக, குடியிருப்புகளில் மழைநீர் சூழ்ந்து மக்கள் வெளியே வர முடியாத சூழலும் நிலவுகிறது.நான்கு நாட்களாக மாவட்டம் முழுவதும் பெய்து வரும் கனமழை காரணமாக, 47 வீடுகள் முழுவதுமாக இடிந்து விழுந்துள்ளன;

மழையால் பாதிக்கப்பட்டவர்களுக்கு, உரிய நிவாரணம் அளிக்க வேண்டும் என, பாதிக்கப்பட்டோர் தரப்பில் கோரிக்கை
விடுத்துள்ளனர்.

தமிழகத்தில் வெள்ளத்தால் பாதிக்கப்பட்ட பகுதிகளை இதுநாள் வரை முதலமைச்சர் ஜெயலலிதா நேரில் சென்று பார்வையிடவில்லை.

இந்த நிலையில் மக்கள் பாதுகாப்பு இயக்கத்தின் தலைவர் டிராபிக் ராமசாமி “ போயஸ் கார்டனில் தூங்கிக் கொண்டு இருக்கும் முதலமைச்சர் நாட்டுக்கு தேவையா” ? என்பது உள்ளிட்ட பல்வேறு கேள்விகளை வீடியோ பதிவின் மூலம் எழுப்பி வீடியோவை வாட்ஸ் ஆப்பில் வெளிட்டுள்ளார்.

தற்பொழுது வாட்ஸ் ஆப்பில் வைரலாக பரவிவரும் அந்த வீடியோ இந்த செய்தியுடன் இணைக்கப்பட்டுள்ளது.

பொது-இ-சேவை மையம் மூலம் விண்ணப்பித்து பட்டா மாறுதல் பெற்றுக்கொள்ளும் வசதியை பொதுமக்கள் பயன்படுத்திக்கொள்ள வேண்டும் என்று ஆட்சியர் கருணாகரன் தெரிவித்துள்ளார்.

நெல்லை மாவட்ட ஆட்சியர் அலுவலக வளர்ச்சி மன்ற கூட்ட அரங்கில் மக்கள் குறை தீர்க்கும் நாள் கூட்டம் இன்று நடைபெற்றது. ஆட்சியர் கருணாகரன் தலைமையில் நடைபெற்ற இக்கூட்டத்தில் பொதுமக்கள் ஏராளமானோர் கலந்து கொண்டு மனுக்களை அளித்தனர்.
இதில் ஆட்சியர் பேசியது: மாவட்ட மின் ஆளுமை திட்டத்தின் கீழ் பட்டா மாறுதல் மற்றும் நில உட்பிரிவு செய்தல் ஆகிய பணிகளுக்கான மனுக்களை பொது இ-சேவை மையம் வழியாக இணைய தளத்தில் எளிதாக பதிவு செய்து கொள்ளும் வசதி இன்று நடைபெற்ற மக்கள் குறைத்தீர்க்கும் நாள் கூட்டத்தில் அறிமுகப்படுத்தப்பட்டு செயல்படுத்தப்பட்டு வருகிறது. பொதுமக்கள் தங்கள் தேவைகளுக்கு அரசு நிர்வாகங்களைத் தேடி அலைந்து கொண்டிருந்த சூழ்நிலையினை மாற்றும் விதமாக தற்போது மக்களைத் தேடி நிர்வாகம் என்ற அடிப்படையில் மாவட்டத்திலுள்ள அனைத்து வட்டாட்சியர் அலுவலகங்களிலும் 5 வகையான சான்றிதழ்களை இணைய தளம் வழி சேவை மூலம் எளிதில் பெற்றுக்கொள்ளும்முறை செயல்படுத்தப்பட்டு வருகிறது.

அதன்படி, பொதுமக்களுக்கு தேவையான பட்டா மாறுதலுக்கு தேவையான மனு செய்வது முதல் அதற்குரிய மாறுதல் உத்தரவு பெறும் வரை அனைத்துப் பணிகளும் இனி இணையதளம் வழியாகவே செயல்படுத்தப்படும். இதற்காக அம்பாசமுத்திரம் வட்டம், முன்னோடி வட்டமாக தேர்வு செய்யப்பட்டு இதுவரை இணையதளம் மூலமாக பெறப்பட்ட 761 உட்பிரிவு அல்லாத மனுக்களுக்கும், 61 உட்பிரிவு மனுக்களுக்கும் உரிய உத்தரவுகள் இணைய தளம் வழியாகவே அனுப்பப்பட்டுள்ளன.

ஆகவே, நமது மாவட்டத்தில் பாளையங்கோட்டை வட்டத்தைச் சார்ந்த பொதுமக்கள் தங்கள் இடத்தில் பட்டா மாறுதல் மற்றும் உட்பிரிவு செய்தல் ஆகிய பணிகளுக்கு பாளையங்கோட்டை வட்டத்தில் செயல்பட்டுக்கொண்டிருக்கும் 19 பொது இ-சேவை மையங்களை தொடர்பு கொள்ளலாம். எனவே, பொதுமக்கள் தேவையின்றி பல்வேறு அலுவலகங்களைத் தேடி வீணாக அலைவதைத் தவிர்த்து, இணையதள சேவையினை பயன்படுத்திக் கொள்ள வேண்டும் என்றார்.