பாவூர்சத்திரம் அருகே முன்விரோதத்தில் சாட்சிக்கு கொலை மிரட்டல் விடுத்த 2 பேரை போலீஸார் கைது செய்தனர். பாவூர்சத்திரம் அருகேயுள்ள சடையப்பபுரத்தைச் சேர்ந்தவர் க.மாயாண்டி(40). இவர் கடந்த 15 ஆண்டுகளுக்கு முன்பு ஒரு கொலை வழக்கில் அதே ஊரைச் சேர்ந்த மா.மணி என்ற சுப்பிரமணி(43) என்பவருக்கு எதிராக சாட்சி சொன்னாராம். இதனால் ஏற்பட்ட முன்விரோதத்தில் மணி என்ற சுப்பிரமணி மற்றும் அவரது நண்பரான ஆலங்குளம் அருகேயுள்ள சிவலார்குளத்தைச் சேர்ந்த பா.ஆனந்த்(35) என்பவருடன் சேர்ந்து மாயாண்டியை அவதூறாக பேசியதோடு கொலை மிரட்டல் விடுத்துள்ளார் . இதுகுறித்து மாயாண்டி அளித்த புகாரின் பேரில் பாவூர்சத்திரம் காவல் நிலைய சிறப்பு உதவி ஆய்வாளர் பாக்கியராஜ் வழக்குப் பதிந்து விசாரணை நடத்தி, சாட்சியை மிரட்டிய 2 பேரையும் கைது செய்தார். செய்தியாளர்: செ.பிரமநாயகம், தென்காசி

கரூர்: நாமக்கல் மாவட்டம் இராசிபுரம் வட்டத்தில் கீழுர், மேலூர், கெடமலை மற்றும் போதமலை உள்ளது. இங்கு 4 ஆயிரத்திற்கும் அதிகமான மலைவாழ் மக்கள் வாழ்ந்து வருகின்றனர். இந்த மலைப் பகுதிகளில் மின்சாரம், சாலை, குடிநீர் உள்ளிட்ட அடிப்படை வசதிகள் இல்லை என்றும் அதே போல நியாய விலைக் கடை மற்றும் ஆரம்ப சுகாதார நிலையத்திற்கு நீண்ட தூரம் பயணம் மேற்கொள்ள வேண்டி உள்ளது என்றும் கூறி இது தொடர்பாக பல முறை மாவட்ட நிர்வாகத்திடம் கோரிக்கை மனு கொடுத்தும் எவ்வித பலனும் இல்லை என்றும் மலைவாழ் மக்கள் தொடர்ந்து புகார் கூறி வந்த நிலையில் இன்று போதமலையைச் சேர்ந்த பழங்குடியின பெண்கள் உள்ளிட்டோர் வெற்றிலை பாக்கு மற்றும் தேங்காய் வாழைப் பழம் என தாம்பூல தட்டுடனும் மேலும் மா, சாத்துக்குடி உள்ளிட்ட பழ வகைகள் தட்;டுடனும் அதில் தங்கள் கோரிக்கைகள் அடங்கிய மனுவையும் வைத்து மாவட்ட ஆட்சியர் வ.தட்சிணாமூர்த்தியை சந்தித்து போதமலைக்கு வருமாறு அழைக்க வந்திருந்தனர்.

திருச்சி: புதுக்கோட்டை கைக்குறிச்சி ஸ்ரீபாரதி கலை மற்றும் அறிவியல் மகளிர் கல்லூரியில் பிரிவு உபசாரவிழா வெள்ளி சனி திங்கள் ஆகிய மூன்று நாட்கள் நடைபெற்றன விழாவிற்கு நிறுவனங்களின் தலைவர் குரு.தனசேகரன் தலைமை தாங்கினார் அறங்காவலாகள் உறுப்பினர்கள் கே.ஆர்.குணசேகரன் கே.ரெங்கசாமி அ.கிருஷ்ணமூர்த்தி ஆகியோர் முன்னிலை வகித்தனர் முதல் இரண்டு நாட்களில் 6துறைகள் வீதம் நிகழ்ச்சிகள் நடைபெற்றன கடைசி நாளில் 1துறையும் உதவிப்பேரசிரியர்களுக்கான பாராட்டுவிழாவும் நடைபெற்றன அப்போது கல்லூரியின் முதல்வர் ஜானகி சுவாமிநாதன் பேசியது:பெண்களுடைய வாழ்க்கையில் மூன்று கட்டங்களுக்கு பிரிவு என்ற வார்த்தையை ஏற்றுக்கொள்வேண்டிய கட்டாயம் உண்டாகிறது பள்ளிப்படிப்பில் படிக்கும் போதோ எதாவது ஓரு நட்பு ஏற்பட்டு ஓரு பிரிவு ஏற்படுகிறது அடுத்தது கல்லூரி படிப்பு முடித்துவிட்டு வெளியில் போகும்போது ஒரு பிரிவு அடுத்ததாக திருமணம் வரும்போது பெற்றோர்களை விட்டு கணவன் வீடடிற்கு போகும்போது அப்போது ஓரு பிரிவு இப்படி தன்னுடைய வாழ்நாளில் பிரிவுகளையை சந்திக்க வேண்டிய சூழ்நிலை நிலவுகிறது ஆண்களின் நட்பிற்கும் பெண்களின் நட்பிற்கும் அதிகவேறுபாடுகள் அவர்களை பொறுத்தவரைக்கும் பிரிவை தாங்குகின்ற சக்தி அதிகமாக இருக்கும் ஆனால் பெண்களுக்கு சக்தி என்று பெரும் இருந்தும் இந்த விஷயத்தில் மட்டும் சக்தி இல்லாமல் தேம்பி அழுகின்ற நிலைமை உண்டாகிறது இதற்கு முக்கியகாரணம் பெண்களிடம் பாசம்வைக்கும் வீதம் சற்றுவித்தியசாம் என்றே சொல்லவேண்டும் இறுதியாண்டு படித்து வெளியில் போகும் மாணவிகள் வேலை வாய்ப்புக்கு காத்திருக்கும் போது அதிகமான புத்தகங்களை படிக்க வேண்டும் அப்போதுதான் படித்த அறிவோடு சேர்ந்து உலக அறிவு என்ற முக்கியம் உங்களுடைய மனதில் தோன்றும் முன்பு பள்ளிப்படிப்பைக்கூட ஓழுங்காக முடிக்காத பல தலைவர்கள் அறிஞர்கள் இன்றும் பேசப்படுகின்றனர் அதற்கு அவர்கள் படித்த புத்தங்கள் தான் என்பதில் எந்த மாற்று கருத்தும் கிடையாது ஓரு வாக்கியம் உங்கள் வாழ்க்கையே மாற்றும் ஆனால் எந்த வார்த்தை உங்கள் வாழ்க்கையை புரட்டிப்போடும் என்று தெரியாது இன்றைக்கு பெண்களுக்கு முக்கியப் பிரச்சினை பாதுகாப்பு அதனைக்கருதியே பல பெற்றோர்கள் தங்களுடைய பெண்பிள்ளைகளை இக்கல்லூரியில் கொண்டு வந்து சேர்க்கின்றனர் என்றார் செய்தி: பொ.ஜெயச்சந்திரன் புதுக்கோட்டை

கரூர் மாவட்டம்,  மணல்மேடு  ஊராட்சியில் கால்நடை பராமரிப்புத் துறையின்  மூலம்  மேற்கொள்ளப்பட்டு  வரும்  திட்டப்பணிகளை  மாவட்ட ஆட்சித் தலைவர்  ஜெயந்தி  தலைமையில் செய்தியாளர் பயணம் மேற்கொள்ளப்பட்டன. இந்நிகழ்ச்சியில் மாவட்ட ஆட்சித்தலைவர் அவர்கள் செய்தியாளர்கள் முன்னிலையில் மணல்மேடு ஊராட்சியில் புறக்கடை கோழிவளர்ப்புத்திட்டத்தின் கீழ் பயனாளிகள் வளர்க்கப்பட்;டு வருகின்ற கோழிபண்ணைக்குச் சென்று கோழிகள் வளர்க்கப்பட்டு வருவதன் விவரம் குறித்து கேட்டறிந்ததுடன் மேலும் கால்நடைத்துறை மருத்துவர்களின் ஆலோசனைப்படி செயல்படவேண்டும் என பயனாளிகளுக்கு  மாவட்ட ஆட்சித்தலைவர்  ஜெயந்தி  தெரிவித்தார். பின்னர்  கூலி  நாயக்கனூர்  பகுதிக்குச்  சென்று  தீவன  அபிவிருத்தி  திட்டத்தின்  கீழ்  பயனாளிகள்  விவசாய  நிலங்களில்  மழைத்தூவன்  கருவி மூலம்  கால்நடைகளுக்குத்  தேவையான  தீவனப்புல்  வளர்க்கப்பட்டு  வந்ததை பார்வையிட்டதுடன்  அங்குள்ள  பயனாளிகளிடம்  மழைத்தூவன்  கருவியை அனைவரும்  பயன்படுத்தி  அதன்மூலம்  நல்ல  பயனை  பெற வேண்டும்.  இத்திட்டத்தின்  மூலம்  குறைந்த  அளவு  தண்ணீரில்  அதிக  பரப்பளவில்  கால் நடைகளுக்குத்  தேவையான  தீவனங்களை  வளர்க்க  முடியும்.  மேலும் இவ்வாறு  வளர்க்கப்படும்  தீவனப்புல்களில்  எவ்வித  நோய்களும்  தாக்காது.  அவ்வாறு  தூய்மையான  தீவனமாக  கிடைப்பதால்  அதை  கறவை மாடுகளுக்கு  பயன்படுத்தும்  போது  மாடுகள்  ஆரோக்கியமாக  இருப்பதுடன் பால்  உற்பத்தித்திறனும்  இரண்டு மடங்கு  அதிகரிக்கும்.  எனவே  கறவை மாடு  வளர்ப்போர்  கட்டாயம்  மழைத்தூவன்  இயந்திரத்தை  பயன்படுத்தி  பயன் பெற  வேண்டும்  என  மாவட்ட  ஆட்சித் தலைவர் ஜெயந்தி  தெரிவித்தார். தொடர்ந்து  செய்யப்ப கவுண்டன் புதூர்  பகுதியில்  பயனாளிகள் கறிக் கோழிப் பண்ணை  அமைக்கப்பட்டு  செயல்படுத்தி  வருவதை  பார்வையிட்டதுடன் மேலும்  கோழிப்பண்ணையை  அதிக அளவில்  விரிவுபடுத்திடும்  வகையில் பயனாளிகள்  செயல் பட வேண்டும்  என  மாவட்ட  ஆட்சித் தலைவர்  ஜெயந்தி  அறிவுறுத்தினார். மேலும்  கால்நடை பராமரிப்புத் துறையின்  மூலம்  அரசின்  திட்டங்கள் செயல்படுத்திவருவது  குறித்து  மாவட்ட  ஆட்சித் தலைவர் ஜெயந்தி செய்தியாளர்களிடம்  தெரிவிக்கையில் கரூர்  மாவட்டத்தில்  கிராமப்புறங்களில்  புறக் கடை கோழி வளர்ப்புத் திட்டத்தின்  கீழ்  440  பயனாளிகளுக்கு  ரூ.11.22  இலட்சம்  மதிப்பீட்டில் கோழி வளர்ப்பு  பண்ணை  அமைத்து  பராமரித்து  வருகிறார்கள்.  மேலும்  கறிக்கோழி மற்றும்  நாட்டுக்கோழி  பண்ணை  வளர்ப்புத் திட்டத்தின் கீழ்  இதுவரை  நான்கு ஆண்டுகளில்  ரூ.350.10  இலட்சம்  மதிப்பீட்டில்  422  பயனாளிகள்  கோழிப் பண்ணைகள்  அமைத்து  பராமரித்து  வருகிறார்கள்.  இத்திட்டத்தில்  பயனாளிகளுக்கு  அரசு  மானியம்  50 சதவிகிதம்  வழங்கப்பட்டு  வருகின்றன. இன்றைய  கால கட்டத்தில்  பொது  மக்களின்  தேவையை  உணர்ந்து  மிக  நல்ல  முறையில்  கோழி  வளர்ப்பில்  ஈடுபட்டால்  அதிக  அளவில்  விற்பனை  ஆகுவதுடன்  தேவையான  பொருளாதார  முன்னேற்றமும்  பெறலாம். அதேபோல்  கால்நடை  வளர்ப்பிலும்  போதிய  லாபம்  பெறலாம்.  கால்நடை பராமரிப்புத் துறையின்  மூலம்  மாநில  தீவன  அபிவிருத்தித் திட்டத்தின்  கீழ்  கோ-3 ,  கோ- 4 ரக  தீவன புல்  வளர்க்க  அரசு  மானியத்துடன்  இத்திட்டம்  செயல்பட்டு  வருகின்றன.  இத்திட்டத்தின்  மூலம்  மாவட்டத்தில்  ரூ.207  இலட்சம்  மதிப்பீட்டில்  1711  ஏக்கர்  நிலப்பரப்பில்  5133  பயனாளிகள்  தீவனப்புல்  வளர்த்து  வருவதுடன்  மேலும்  மருத்துவர்களின்  ஆலோசனைப் படி  மழைத் தூவன்  கருவியையும்  பயன்படுத்தி  அதிக  பரப்பளவில்  தீவனப்புல்  வளர்த்து பயன் பெற்று  வருகிறார்கள்.  மேலும்  மகாத்மா  காந்தி  தேசிய  ஊரக  வேலை  உறுதித் திட்டத்தின்  மூலமாகவும்,  ஆடு  மற்றும்  கோழி  வளர்க்க  கொட்டகைகள்  அமைக்க  நடவடிக்கை  மேற்கொள்ளப்பட்டு  இதுவரை  180  பயனாளிகளுக்கு  கொட்டகை  அமைத்துக்  கொடுக்கப் பட்டுள்ளன. இது மட்டு மின்றி  கூலித் தொழிலாளிகள்  மற்றும்  வறுமையில்  உள்ளோர்  பொருளாதார  முன்னேற்றம்  பெற  அரசு  அறிவித்த  திட்டமான  விலையில்லா  ஆடு  வழங்கும்  திட்டத்தில்  கடந்த நான்கு  ஆண்டுகளில்  9673 குடும்பங்களுக்கு  4  ஆடுகள்  வீதம்  ரூ.12.56  கோடி  மதிப்பீட்டில்  38692 விலையில்லா  ஆடுகள்  வழங்கப்பட்டு  இவைகள்  62251 குட்டிகளை  ஈன்றுள்ளன.  இதன் மூலம்  பயனாளிகளின்  பொருளாதார  முன்னேற்றம்  உயர்ந்துள்ளன.  இது போல்  கால்நடைப் பராமரிப்புத் துறையின்  மூலம்  பல்வேறு  திட்டங்கள்  செயல்படுத்தி  வருவது  மட்டுமின்றி  கால்நடைகளுக்குத்  தேவையான  சிகிச்சைகளும்  வழங்கப்பட்டு  வருவதுடன்  அதிக அளவு  மருத்துவ  முகாம்  அமைக்கப்பட்டு  அதன்  மூலமாகவும்  கால் நடைகள்  நன்றாக  பராமரிக்கப்பட்டு  வருகின்றன.  எனவே  விவசாயிகள் மற்றும்  பொதுமக்கள்  கால்நடை பராமரிப்புத் துறை  அலுவலர்களின்  ஆலோசனையைப் பெற்று  இணைப்புத் தொழிலாக  கறவைமாடு,  ஆடு,  கோழி  ஆகியவற்றை  அதிக  அளவில்  வளர்த்து  பண்ணைகளாக  உருவாக்கி  அதிக  அளவில்  உற்பத்தி  திறனை  அதிகரித்து  பொருளாதார  முன்னேற்றம் பெறுவதுடன்  பலருக்கு  வேலை வாய்ப்புகளையும்  வழங்கிட  வேண்டும்  என மாவட்ட  ஆட்சித்தலைவர் ச.ஜெயந்தி  தெரிவித்தார். இந்நிகழ்ச்சியில்  கால்நடை பராமரிப்புத் துறை  இணை  இயக்குநர் மரு.இராமநாதன், உதவி இயக்குநர் மரு.குழந்தைச்சாமி,  கால்நடை பராமரிப்புத்துறை மருத்துவர்கள்  மரு.முரளிதரன், பிரதீபா, கோபிநாத்  மற்றும் அரசு  அலுவலர்கள்  உட்பட  பலர்  கலந்து  கொண்டனர்.