நடிகர் ஒய்.ஜி.மகேந்திரன் தான் எழுதிய நான் சுவாசிக்கும் சிவாஜி என்ற புத்தகத்தை, நடிகர் ரஜினிகாந்தை சந்தித்து நேரில் அளித்தார். சென்னையில் உள்ள அவரது வீட்டுக்கு நேரில் சனிக்கிழமை சென்ற ஒய்.ஜி.மகேந்திரன், இந்தப் புத்தகத்தை அவரிடம் அளித்துள்ளார்.

கதை திரைக்கதை வசனம் இயக்கம் – படத்தைத் தயாரித்த ரேவ்ஸ் கிரியேஷன்ஸ் மூவீஸின் புதிய தயாரிப்பு கமரக்கட்டு. ராம்கி ராமகிருஷ்ணன் இயக்கும் இந்தப் படத்துக்கு கேமராமேனாகப் பணியாற்றுகிறார் ஆர்.ஸ்ரீதர். பைஸல் இசையில் ராம்கி ராமகிருஷ்ணன் பாடல்கள் எழுதி தள்பதி தினேஷ் சண்டைக் காட்சிகளில் படம் தயாராகிறது. யுவன், ஸ்ரீராம், மனிஷாஜித், டெல்லா, வாசு விக்ரம், சேத்தன், கிரேன் மனோகர், பாலாசிங் உள்ளிட்டோர் இந்தப் படத்தில் நடித்துள்ளனர். படத்துக்கு நடனங்களை அமைத்துள்ளனர் சிவாஜி, விஜய் ஆகியோர்.

மெசஞ்சர் ஆஃப் காட்’ படத்தை திரையிட பஞ்சாப் ஹரியானா உள்ளிட்ட மாநிலங்களில் கடும் எதிர்ப்பு எழுந்துள்ளது. எனவே அசம்பாவிதச் சம்பவங்களைத் தடுக்கும் வகையில் பஞ்சாப், ஹரியாணா மாநிலங்களில் பலத்த பாதுகாப்பு ஏற்பாடுகள் செய்யப்பட்டுள்ளன. ஹரியாணாவில் செயல்படும் “தேரா சச்சா சௌதா’ அமைப்பின் தலைவர் இயக்கி நடித்துள்ள இப்படத்தை வெளியிடக் கூடாது எனக் கூறி, பல்வேறு சீக்கிய அமைப்புகள் போராட்டம் நடத்தி வருகின்றன. இதுகுறித்து பதிண்டா மண்டல காவல்துறை ஐ.ஜி. பரமராஜ் சிங் கூறியது: பஞ்சாபின் பதிண்டா மண்டலதுக்குள்பட்ட முக்த்ஸர், மான்ஸா, ஃபெரோஸ்பூர், ஃபரீத்கோட், மோகா ஆகிய மாவட்டங்களில் தேரா சச்சா அமைப்பின் ஆதரவாளர்கள் அதிக அளவில் உள்ளனர். அப்பகுதிகளில் அசம்பாவிதச் சம்பவங்களைத் தடுக்க 13 ஆயிரம் போலீஸார் குவிக்கப்பட்டுள்ளனர். மாநிலம் முழுவதும் ஏராளமான துணை ராணுவப் படையினர் பணியில் ஈடுபட அழைக்கப்பட்டுள்ளனர். பதிண்டா பகுதியிலிருந்து தேரா சச்சா அமைப்பைச் சேர்ந்த 15 ஆயிரம் பேர், “மெசஞ்சர் ஆஃப் காட்’ திரைப்படத்தின் பிரத்யேகக் காட்சியைக் காண்பதற்காக ஹரியாணாவின் குர்கான் நகருக்கு வெள்ளிக்கிழமை சென்றனர். அவர்களுக்கும் போலீஸ் பாதுகாப்பு அளிக்கப்பட்டுள்ளது என்றார் அவர்.

அம்புலி 3டி, ஆ படங்களின் வெற்றி இயக்குனர்கள் ஹரி-ஹரீஷ் இயக்கும் ஜம்போ 3டி படத்தில் கோகுல் நாயகன் வேடத்தில் நடிக்கிறார். இவருடன் சுகன்யா, பேபி ஹம்சிகா, அஞ்சனா, லொள்ளுசபா ஜீவா, ஈரோடு மகேஷ், யோக் ஜப்பீ, ‘கும்கி’ அஷ்வின் உள்ளிட்டோர் நடித்துள்ளனர். எம்.எஸ்.ஜி மூவீஸ் சார்பில் ஜி.ஹரி மற்றும் ஜப்பானை சேர்ந்த ஓகிடா ஆகியோர் இணைந்து தயாரிக்கின்றனர். இப்படம் பெரும்பாலும் ஜப்பானில் படமாக்கப்பட்டுள்ளது. படத்தின் கதாநாயகி அஞ்சனா கீர்த்தி தனது அனுபவத்தை கூறுகையில்… “இயக்குனர்கள் ஹரி- ஹரீஷ் உடன் பணிபுரிவது மிக இனிதானது. இருவரும் வேகமாகவும், விவேகமாகவும் வேலை செய்ய கூடியவர்கள். படத்தில் ஒரு காட்சியில் நான் ஜப்பான் பொம்மையாக நடிக்க வேண்டியிருந்தது. கண் இமைக்காமல், சலனமற்ற பொம்மையாக அசைவில்லாமல் நடிக்க சொல்லிக் கொடுத்தார். மேலும், பேபி ஹம்சிகா இப்படத்தில் முக்கியமான வேடத்தில் நடித்திருக்கிறார். படத்தின் பெரும்பாலான காட்சிகள் ஜப்பானின் டோக்கியோ, டோயாமா நகரங்களில் படமாக்கப்பட்டுள்ளது. டோக்கியோ தமிழ்ச் சங்கத்தினர் கனிவாக வரவேற்று உபசரித்தனர். ஒரு நாள் நான் தனியாக ஷாப்பிங் சென்ற போது ஜப்பானிய மொழியில் எழுதிக் கொடுத்திருந்த முகவரியை எங்கோ தொலைத்துவிட்டேன். ஒரு ஜப்பானிய டாக்சி ஓட்டுனர்தான் அப்போது எனக்கு உதவினார். நான் இந்தியாவைச் சேர்ந்தவள் என்று தெரிந்தவுடன் என்னிடம் அன்பாகப் பேசினார். ரஜினிகாந்த் குறித்தும், தமிழிலும் பேசினார்.” ஜப்பானிய நடிகர் நடிகைகளுடன் நடித்தோம். அங்குள்ள பத்திரிக்கைகளில் எங்களைப் பற்றி செய்திகள் வந்தது பெருமையாக இருந்தது. நகைச்சுவை கொண்ட 3டி படமாக உருவாகி வரும் இந்தப் படம் குழந்தைகளை அதிகம் கவரும்.” என்றார் அஞ்சனா.