உலகம் முழுவதும் கோடிக்கணக்கானவர்களின் ஏகோபித்த ஆதரவை பெற்ற நிறுவனம் நெட்பிளிக்ஸ் ஓடிடி நிறுவனம்.
இந்நிறுவனம் அமெரிக்காவை மையமாகக் கொண்டு செயல்பட்டு வருகிறது. இதனை பயன்படுத்தும் அனைத்து பயனாளர்களும் மாதாமாதம் சந்தா செலுத்தி நெட்பிளிக்ஸ் தளத்தை பயன்படுத்தி திரைப்படங்களை பார்த்து வருகின்றனர்
இந்த தளத்தை பயன்படுத்த பாஸ்வேர்ட் வழங்கப்படும். இந்த பாஸ்வேர்ட் மூலம் 5 டிவைஸ்களை பயன்படுத்தலாம். இவர்களில் பலர் இதே பாஸ்வேர்டை கொடுக்கும் பட்சத்தில் அவர்களும் இந்த தளத்தில் கட்டணம் இன்றி திரைப்படங்களை பார்த்து வருகின்றனர்.
சில காலமாக கட்டணம் செலுத்தாமல் இதனை பயன்படுத்துபவர்களின் எண்ணிக்கை அதிகரித்து வருகிறது. அதே நேரத்தில் ஓடிடி நிறுவனங்களின் சந்தையில் போட்டிகளும் அதிகரித்து வருகின்றன.
இதனை தவிர்க்க நெட்பிளிக்ஸ் அதிரடி அறிவிப்பு ஒன்றை வெளியிட்டுள்ளது. அதன்படி மாதக்கட்டணம் ரூ.150 முதல் ரூ250 க்கு 2 டிவைஸ்கள் மட்டும் பயன்படுத்தும் புதிய முறையை அறிமுகப்படுத்த இருப்பதாக தகவல்கள் வெளியாகியுள்ளன.
முதல் கட்டமாக சிலி, கோஸ்டாரிகா மற்றும் பெரு நாட்டில் இவை செயல்படுத்தப்படும் எனவும் தெரிவிக்கப்பட்டுள்ளது.