ஒரு குடும்பமே உயரமாக இருந்து அமெரிக்காவில் கின்னஸ் சாதனை படைத்துள்ளது.
பொதுவாக உயரமாக இருப்பதும் குட்டையாக இருப்பதும் சாதாரணம்தான்.
இதுவே வரையறையை தாண்டி செல்லும் போது அது பெரிதும் பேசப்படுகிறது. உயரம் என்றால் அமிதாப் பச்சன் போல் 6 அடி உயரம் என வர்ணிப்பது உண்டு.
ஆனால அமெரிக்காவில் ஒரு குடும்பத்தில் உள்ள அனைவருமே 7 அடியை தாண்டி உயரமாக உள்ளனர். இவர்கள் கின்னஸ் சாதனை படைத்துள்ளனர்.
அமெரிக்காவில் மின்னசோட்டாவில் உள்ள எஸ்கோ பகுதியைச் சேர்ந்தவர்கள் டிராப் குடும்பத்தினர். இந்த குடும்பத்தில் அப்பா ஸ்காட், அம்மா கிறிஸ்ஸி, மகள்கள் சவான்னா, மோலி, மகன் ஆடம் டிராப் என 5 பேர் வசித்து வருகிறார்கள். இவர்கள்தான் கின்னஸ் சாதனை புத்தகத்தில் இடம்பெற்றுள்ளனர்.
இவர்களின் சராசரி உயரம் டென்னிஸ் மைதானத்தின் நீளத்திற்கு சமமாக இருக்கும். கடந்த 2020 ஆம் ஆண்டு இந்த குடும்பத்தினரின் சராசரி உயரம் 203.29 சென்டிமீட்டர். அதாவது 6 அடி 8 அங்குலமாகும். இவர்கள்தான் உலகிலேயே மிகவும் உயரமான குடும்பமாக அங்கீகரிக்கப்பட்டுள்ளார்கள்.
இந்த குடும்பத்தில் ஆடம் டிராப் 7 அடி 3 அங்குலம் உயரத்துடனும் மோலி 6 அடி 6 அங்குலமும் , ஸ்காட்டின் உயரம் 6 அடி 8 அங்குலமும் சவன்னாவின் உயரம் 6 அடி 2 அங்குலமும் தாய் கிறிஸ்ஸியின் உயரம் 6 அடி 3 அங்குலமும், ஸ்காட்டின் உயரம் 6 அடி 8 அங்குலமும் உள்ளது.
இவர்களில் மகள்களும் மகனும் கல்லூரிகளில் கூடைப்பந்து, கைப்பந்து ஆகிய விளையாட்டுகளை விளையாடி வருகிறார்கள்.
இது தொடர்பாக இன்ஸ்டாகிராம் பக்கத்தில் வீடியோ வெளியானது. அந்த வீடியோவில் வீட்டின் மேற்கூரையை கைகளால் தொட்டு கொண்டுள்ளனர். இந்த வீடியோவை 5 லட்சத்திற்கும் மேலானோர் பார்த்துள்ளனர்.
இவர்களுக்கு வாழ்த்துகளையும் தெரிவித்து வருகின்றனர். இன்னும் சிலர் இளநீர் வேண்டுமானால் இவர்கள் ஸ்டூல் போட்டு ஏறி பறித்துவிடுவார்கள் என்கிறார்கள்.
