கன்னி (பிலவ – மாசி மாத பலன்கள்)

ப்லவ வருடம் மாசி மாத ராசி பலன்கள்
(12.2.2022 முதல் 13.03.2022 வரை)

ப்லவ வருடம் மாசி மாத ராசி பலன்கள் (12.02.2022 முதல் 13.03.2022 வரை) புஷ்யபக்ஷ அயனாம்ஸப்படி  மாசி மாதம் ஒரு நாள் முன்னதாக துவங்குகிறது

வருகிற 12.02.2022 நள்ளிரவு 12:23:6 மணிக்கு சூரியபகவான் மகர ராசியில் இருந்து  கும்ப ராசிக்கு பெயர்ச்சி ஆகிறார். அவர் கும்ப ராசியில் 13.03.2022 இரவு 08:49:01 மணி வரை சஞ்சரிக்கிறார்.

இது புஷ்யபக்ஷ அயனாம்ஸத்தை ஒட்டி ஜகந்நாத் ஹோரா கணித பஞ்சாங்கப்படி கணிக்கப்பட்டது. 

வாக்கியப்படி 13.0.2022 அதிகாலை 04.13 மணிக்கு (உதயாதி 55.37 நாழிகைக்கு) கும்ப ராசிக்கு பெயர்ச்சிஆகிறார்.

ஒவ்வொரு ராசிக்குமான பலன்கள் புஷ்ய பக்ஷ அயனாம்ஸ பஞ்சாங்கப்படி கொடுக்கப்பட்டு இருக்கிறது.

உங்கள் பிறந்த லக்னம் தெரிந்தால் அந்த ராசிக்கான பலனையும் சேர்த்து பார்த்தல் சரியாக வரும்.

கோச்சார கிரஹ நிலைகள்

கிரஹ பாத சாரங்கள் : மாசி மாத பிறப்பின் போது

லக்னம் – விருச்சிகம் – விசாகம் – 4
சூரியன் –  கும்பம் – அவிட்டம் – 3
சந்திரன் – மிதுனம் – மிருகசீரிடம் – 4
செவ்வாய் – தனூர் – பூராடம் – 3
புதன் –  மகரம் – உத்திராடம் – 3
வியாழன் – கும்பம் –  சதயம் – 4
சுக்ரன் –  தனூர் –  பூராடம் – 3 
சனி – மகரம் – அவிட்டம் – 1
ராகு – ரிஷபம் – கிருத்திகை – 3
கேது – விருச்சிகம் – அனுஷம் – 1

கிரஹ வலிமைகள் :

மிக வலுவான கிரஹம் சுக்ரன்,  வலுவான கிரகம் :  குரு, சனி

சூரியன், புதன், ராகு,கேது, செவ்வாய் இவை மத்ய பலனை கொடுக்கும்

இவை மாதம் பிறக்கும் போது உள்ள நிலை. ஒவ்வொரு கிரஹமும் அந்த மாத்தத்தில் சஞ்சார நிலை கொண்டு வலிமை மாறுபடும்

இவற்றை கணக்கில் கொண்டு பலன் சொல்லப்படுகிறது. மேலும் ஜாதகர் பிறப்பு லக்னத்தை ஒட்டி பலன் சொல்லப்படுகிறது உதாரணமாக மேஷ ராசி ஜாதகர் கடக லக்னத்தில் பிறந்தால் கடகராசி பலனும் அவருக்கு பொருந்தும். உங்களது பிறந்த லக்னம் தெரிந்தால் அந்த ராசிக்கான பலனையும் சேர்த்து பார்த்து அறியவும்.

பொது பலன்:

பாரத தேசம் & தமிழகம் பொருத்தவரை:  
சுக்ரன் வலு அதனால் கலைத்துறை, வங்கி பணம் புழங்கும் இடம், ஆடை ஆபரண உற்பத்தி & விற்பனை, போன்றவை நல்ல முன்னேற்றம் பெறும். அன்னியர்களிடம் தேசத்தின் மதிப்பு கூடும். அரசர்களுக்குள் உண்டாகும் சண்டை மக்களிடம் அச்சத்தை ஏற்படுத்தும். பொதுவாக விவசாயம், கல்வி துறைகள் சிரமத்துக்குள்ளாகும். விரோதிகளின் கை ஓங்கியது போல தெரியும், செவ்வாய் மகரத்தில் சஞ்சரிக்கும் 26.02.2022 முதல் ஓரளவு நன்மை உண்டாகும். தமிழகத்தில் குழப்பங்கள் நீங்கி ஓரளவு நன்மை உண்டாகும். மத்தியில் ஆளும் ஆட்சி தங்களது நோக்கங்களை நிறைவேற்றும் போது உலக அரங்கில் வரவேற்பை பெற்றாலும் பொருளாதார தேக்கத்தினால் மக்கள் விரக்தி அடைவர் நாட்டில் சலசலப்பு இருந்து கொண்டிருக்கும். பொதுவில் பெரிய ஆபத்துகள் இல்லை எனினும் மக்களிடம் பயம் கலந்த ஒரு நிலை இருந்து கொண்டிருக்கும்.

மாத ராசிபலன் கணிப்பு :
லக்ஷ்மீ ந்ருஸிம்ஹாச்சாரி, ஜோதிடர்,
ஸ்ரீஅக்ஷயா வேதிக் அஸ்ட்ரோ ரிசர்ச் பௌண்டேஷன்
D1-304, Block D1, Dhakshin Appartment
Siddharth Foundation, Iyyencheri Main Road,
Urappakkam – 603210, Kancheepuram Dist
Land Line : 044-35584922 | 8056207965 (வாட்ஸப்)
Email ID : mannargudirs1960@hotmail.com

கன்னி 🙁உத்திரம் 2,3,4 பாதங்கள், ஹஸ்தம் 4 பாதம், சித்திரை 1,2 பாதங்கள் முடிய):

உங்கள் ராசிநாதர் 5ல் மாதம் முழுவதும், சனி பகவானுடன் சேர்ந்து ஓரளவு நன்மை தருகிறார். 25,26 தேதிகளுக்கு பின் செவ்வாய் சுக்ரனும் வருமானத்தை அதிகரித்து செலவை குறைக்கிறார். 6ல் சூரியன் குருவுடன் சேர்ந்து மன சோர்வு, கடன் வாங்கும் நிலை பொதுவெளியில் சங்கடங்கள் என தந்தாலும், குரு பார்வை 10ம், 2ம் இடம் இவற்றுக்கு இருப்பது ஆறுதல் ஜீவன வகையில் நன்மையும், குடும்பம் சுப செலவுகள் ஒற்றுமை கூடுதல் புனித யாத்திரை என்ற அளவில் நன்மை இருக்கும். கேது 2க்குண்டான பலனை செய்வது ஓரளவு நன்மை என்று இருந்தாலும் ராகு 8க்குண்டான பலனாக. வீண் மருத்துவ செலவுகள் அடிபடுதல், பயணங்களால் செலவு, மன வருத்தங்கள், உறவுகளில் விரிசல் என கொடுக்கும். அவரவர் பிறந்த ஜாதகத்தை கொண்டு நல்ல பலனும் உண்டாகும். ராகுவால், உடல் நல பாதிப்புகள் உண்டாக வாய்ப்பு. சனி பகவான் லாபத்தை பார்ப்பது வருமானத்தை அதிகரிக்க செய்யும். கடந்த கால உழைப்பு இப்பொழுது பலனை தரும். திருமணம் விடு வாகன யோகம், புதிய செயல்களில் வெற்றியையும், உத்தியோக மாற்றம், வெளியூர் வெளிநாடு செல்லும் நிலை சிலருக்கு மகிழ்ச்சியையும் இனி சமாளித்து விடலாம் என்ற நம்பிக்கையும் தரும். எத்தனையோ இடர்களை சமாளித்தவர்கள் என்பதால் வரும் வாய்ப்புகளை சரியாக பயன்படுத்தி கொண்டு முன்னேறுவீர்கள் . பொதுவில் இந்த மாதம் நன்மைகள் அதிகம் உண்டு.

உத்திரம் 2,3,4 பாதங்கள் : சந்திராஷ்டமம் 06.03.2022 இரவு 12.21 மணி 07.03.2022 இரவு 01.39 மணி வரை

ஹஸ்தம்: சந்திராஷ்டமம் : 07.03.2022 இரவு 01.39 மணி முதல் 08.08.2022 இரவு 03.39 மணி வரை

சித்திரை 1,2 பாதங்கள் : சந்திராஷ்டமம் : 08.03.2022 இரவு 03.39 மணி முதல், 09.03.2022 காலை 06.14 மணி வரை

வணங்கவேண்டிய தெய்வம் & நற்செயல்கள் : நின்ற திருக்கோல பெருமாள் தாயார் சேவித்தல், தசாவதாரங்களில் கிருஷ்ணரை வணங்குதல், அருகில் உள்ள கோயிலில் விளக்கேற்றுதல், அன்னதானம், கல்வி தானம் போன்றவை செய்தல் மிகுந்த நன்மை தரும்.