பஹ்ராச் (உ.பி.) 2 குழந்தைகளுக்கு மேல் இருந்தால் அவர்கள் தேர்தலில் வாக்களிக்கத் தடை விதிக்க வேண்டும் என்று விஷ்வ ஹிந்து பரிஷத்தின் தலைவர் சாத்வி ப்ரச்சி செவ்வாய்க்கிழமை ஒரு நிகழ்ச்சியில் பேசினார். உத்திரப் பிரதேச மாநிலம் பஹ்ராச்சில் நடந்த இந்து மாநாட்டில் பேசிய சாத்வி ப்ராச்சி, மத வேறுபாடுகளைக் கடந்து இத்தகைய சட்டத்தைக் கொண்டு வரவேண்டும். இரண்டு குழந்தைகளுக்கு மேல் இருந்தால் அவர்கள் தேர்தல்களில் வாக்களிக்கத் தடை விதிக்கும் வகையில் இந்தச் சட்டத்தைக் கொண்டு வரவேண்டும் என்று பேசினார் சாத்வி ப்ராச்சி. மேலும் வந்தே மாதரம், பாரத் மாதா கி ஜெய் உள்ளிட்ட தேசப் பற்று மிகுந்த கோஷங்களை எவர் உச்சரிக்க மறுத்தாலும், தேசியக் கொடியை அவமதித்தாலும், பசு வதையை மேற்கொள்பவர்களும், இந்த நாட்டில் வாழும் உரிமையற்றவர்கள் என்றார் சாத்வி ப்ராச்சி. இவர் முன்னர் மற்ற சமுதாயத்தைச் சேர்ந்தவர்கள் 40 – 50 குழந்தைகளை பெற்றுக் கொள்ளும்போது, இந்துக்கள் குறைந்தது 4 குழந்தைகளாவது பெற்றுக் கொள்ள வேண்டும் என்று கூறி பெரும் புயலைக் கிளப்பினார் என்பது நினைவுகூரத் தக்கது.
Posts by செங்கோட்டை ஸ்ரீராம்:
- வாஞ்சி பிறந்த தினத்தில் ஒரு கோரிக்கை!
- சாதனை நாயகர், நீண்டகால பிரதமர்: நரேந்திர மோடியின் அசத்தல் சாதனைகள்!
- தாமிரபரணிக் கரை ஆலயத்தில்… வழிபாட்டில் திருவள்ளுவர்!
- ‘மகளிருக்கும் தமிழருக்கும்’ கொடுத்தார் மோடி; கெடுத்தார் ஸ்டாலின்!
- ஈரான் விஷயத்தில் பாரதம் ஏன் தலையிடவில்லை?!
