நவி மும்பை தேவாலய தாக்குதல்: 4 பேர் கைது

மகாராஷ்டிர மாநிலம், நவிமும்பையில் தேவாலயம் மீது நடத்தப்பட்ட தாக்குதல் தொடர்பாக, 4 பேர் கைது செய்யப்பட்டுள்ளதாக காவல்துறை ஆணையர் கே.எல்.பிரசாத் தெரிவித்தார். நவிமும்பையில் உள்ள புனித ஜார்ஜ் கத்தோலிக்க தேவாலயம் மீது கடந்த சனிக்கிழமை மர்ம நபர்கள் கல் வீசி தாக்குதல் நடத்திவிட்டு தப்பினர். இந்த தாக்குதலில் தேவாலத்தின் கண்ணாடிகள் சேதமடைந்தது. இந்த சம்பவத்தில், எதிர்க்கட்சிகளின் எழுப்பிய குற்றச்சாட்டுகளை தொடர்ந்து, இதில் தொடர்புடைய குற்றவாளிகளை 48 மணிநேரத்துக்குள் கைது செய்யும்படி போலீஸாருக்கு முதல்வர் தேவேந்தர பட்னவிஸ் திங்கள்கிழமை உத்தரவிட்டிருந்தார்.