அதிமுக பொதுச்செயலாளர் எடப்பாடி பழனிசாமி என தேர்தல் ஆணையம் அங்கீகரித்து, இன்று இணையதளத்தில் பதிவேற்றம் செய்துள்ளது.

கடந்த ஏப்ரல் மாதம் அதிமுக பொதுச்செயலாளராக பழனிசாமியை தேர்தல் ஆணையம் அங்கீகரித்தது. இந்நிலையில் அதிமுக பொதுச்செயலாளர் பழனிசாமி என தேர்தல் ஆணைய இணையதளத்தில் இன்று(ஜூலை 11) பதிவேற்றம் செய்யப்பட்டுள்ளது.

அதிமுக தரப்பு அளித்த ஆவணங்கள் அடிப்படையில், பழனிசாமி நியமித்த நிர்வாகிளையும் அங்கீகரித்து தேர்தல் ஆணையம் இணையதளத்தில் பதிவேற்றம் செய்துள்ளது.

அதன்படி, தமிழ்மகன் உசேனை அவைத்தலைவராகவும், திண்டுக்கல் சீனிவாசனை பொருளாளராகவும், துணைப் பொதுச் செயலாளர்களாக கே.பி.முனுசாமி மற்றும் நத்தம் விஸ்வநாதனை அங்கீகரித்து பதிவேற்றம் செய்யப்பட்டுள்ளது.