வேர்க்கடலை தட்டை
தேவையான பொருட்கள்
வேர்க்கடலை பொடி – கால் கப்
அரிசி மாவு – ஒரு கப்
பொட்டுக்கடலை மாவு – கால் கப்
எள்ளு – அரை மேசைக்கரண்டி
மிளகாய் தூள் – ஒரு தேக்கரண்டி
உப்பு – ஒரு தேக்கரண்டி
டால்டா – அரை மேசைக்கரண்டி
எண்ணெய் – 2 கப்
செய்முறை
வேர்க்கடலையை தோல் உரித்து மிக்ஸியில் போட்டு ஒன்றிரண்டாக அரைத்து எடுத்து வைக்கவும்.
அதை போல மிக்ஸியில் பொட்டுக்கடலையை போட்டு பொடி செய்யவும்.
ஒரு தட்டில் அரிசி மாவு, வேர்க்கடலை பொடி, பொட்டுக்கடலை பொடி, உப்பு, எள்ளு மற்றும் மிளகாய் தூள் போட்டு நன்கு கலந்துக் கொள்ளவும்.
அதில் டால்டாவை உருக்கி ஊற்றி நன்கு பிசைந்து விட்டு அரை கப் அளவு தண்ணீரை மேலே தெளித்து விட்டு நன்கு பிசையவும்.
பிசைந்து வைத்திருக்கும் மாவில் பெரிய நெல்லிக்காய் அளவு உருண்டையாக எடுத்து ஒரு ப்ளாஸ்டிக் கவரில் எண்ணெய் தடவி ஒவ்வொரு உருண்டையாக வைத்து வட்டமாக தட்டவும்.
வாணலியில் எண்ணெய் ஊற்றி காய்ந்ததும் அதில் தட்டி வைத்திருக்கும் வில்லைகளை போட்டு இருபுறமும் வெந்ததும் எடுக்கவும். மொறுமொறு வேர்க்கடலை தட்டை ரெடி.
