பூசணி – அவல் பிரேக்ஃபாஸ்ட்
தேவையானவை:
துருவிய இளம் வெள்ளைப் பூசணி – அரை கப்,
அவல் – ஒரு கப்,
எலுமிச்சைச் சாறு – சிறிதளவு,
தயிர் – ஒரு டீஸ்பூன்,
கேரட் – ஒன்று (துருவவும்),
நறுக்கிய கொத்தமல்லி – புதினா (சேர்த்து) – ஒரு கைப்பிடி அளவு,
மஞ்சள்தூள், உப்பு – சிறிதளவு.
தாளிக்க:
காய்ந்த மிளகாய் – 2, கடுகு, பெருங்காயத்தூள், எண்ணெய் – சிறிதளவு.
செய்முறை:
பூசணித் துருவல், கேரட் துருவல், உப்பு, அவல், எலுமிச்சைச் சாறு, மஞ்சள்தூள், தயிர், கொத்தமல்லி – புதினா ஆகியவற்றை சேர்த்து நன்கு பிசிறவும். வாணலியில் எண்ணெய் விட்டு தாளிக்கக் கொடுத்துள்ளவற்றை தாளித்து… பூசணி – அவல் கலவையை சேர்த்து 2 நிமிடம் புரட்டி எடுத்துப் பரிமாறவும்.
குறிப்பு: பூசணித் துருவலில் இருக்கும் நீரே அவல் ஊறுவதற்கு போதுமானது.
