லஞ்ச் பாக்ஸ் கார்னர்: இஞ்சி சாதம்!

சமையல் புதிது லைஃப் ஸ்டைல்
genger rice
genger rice

இஞ்சி சாதம்
தேவையான பொருட்கள்
அரிசி – ஒரு கப்
வெங்காயம் – ஒன்று
தக்காளி – ஒன்று
பிரிஞ்சி இலை – ஒன்று
கறுவாப் பட்டை – ஒரு சிறு துண்டு
கிராம்பு – 4
ஏலக்காய் – 2
கொத்தமல்லித் தழை
புதினா
கறிவேப்பிலை
உப்பு – தேவையான அளவு
எண்ணெய் – 2 குழிக்கரண்டி
அரைக்க:
இஞ்சி – ஒரு சிறு துண்டு
மிளகாய் வற்றல் – 3
பூண்டு – 5 பல்
பெருஞ்சீரகம் – கால் தேக்கரண்டி
முந்திரி – 5

செய்முறை
தேவையான அனைத்துப் பொருட்களையும் தயாராக எடுத்து வைக்கவும்.

வெங்காயத்தை நறுக்கி வைக்கவும்.

அரைக்க வேண்டிய அனைத்தையும் ஒன்றாகச் சேர்த்து, சிறிது தண்ணீர் விட்டு அரைத்து வைக்கவும்.

தக்காளியைத் தனியாக அடித்து வைக்கவும்.

குக்கரில் எண்ணெய் ஊற்றி காய்ந்ததும் பிரிஞ்சி இலை, கறுவாப் பட்டை, கிராம்பு மற்றும் ஏலக்காய் போட்டு பொரியவிடவும்.

ALSO READ:  அமிர்தா வேளாண் கல்லூரி சார்பில் நீர்வடிப் பகுதி மற்றும் வறட்சி மேலாண்மை விழிப்பு உணர்வு நிகழ்ச்சி!

அதனுடன் கொத்தமல்லித் தழை, புதினா மற்றும் கறிவேப்பிலை சேர்த்து வதக்கவும்.

பிறகு நறுக்கிய வெங்காயம் சேர்த்து வதக்கவும்.

வதங்கிய பிறகு அடித்து வைத்துள்ள தக்காளியைச் சேர்த்து நன்றாக வதக்கவும்.

அத்துடன் இஞ்சி விழுதைச் சேர்த்து, பச்சை வாசம் போக வதக்கவும்.

கழுவிய அரிசியும் அளவிற்கு உப்பும் சேர்த்து ஒரு புரட்டு புரட்டி எடுத்து விட்டு, 2 கப் தண்ணீர் ஊற்றி வழக்கமாக சாதம் சமைப்பது போல் சமைக்கவும்.

வறுவல், அப்பளம், தயிர் பச்சடி போன்றவை இந்த இஞ்சி சாதத்திற்கு ஏற்ற துணை உணவுகள்.

Posts by Suprasanna Mahadevan:

ALSO READ:  ரயில் பயணங்களில் லோயர் பெர்த் அளிக்கும் சுகம் ??!!