ஏப்ரல் 10, 2021, 5:29 மணி சனிக்கிழமை
More

    மக்கள் வாழ்வதற்கு ஏற்ற நகரங்கள் பட்டியல்! எந்தெந்த நகரங்களுக்கு எந்த இடம்?

    citys 1 - 2

    நாட்டில் வாழ்வதற்கு ஏற்ற 111 நகரங்கள் மற்றும் 111 சிறந்த நகராட்சி நிர்வாகங்கள் குறித்த பட்டியலை மத்திய வீட்டு வசதி மற்றும் நகர்ப்புற விவகாரங்கள் துறை அமைச்சகம் வெளியிட்டுள்ளது.

    மக்கள்தொகை 10 லட்சத்துக்கு அதிகமான நகரங்கள் மற்றும் மக்கள்தொகை 10 லட்சத்துக்கு குறைவான நகரங்கள் என்ற அடிப்படையில் இந்தப் பட்டியல் வெளியிடப்பட்டுள்ளது.

    அதன்படி, மக்கள்தொகை 10 லட்சத்துக்கு அதிகமான 49 நகரங்களும், மக்கள்தொகை 10 லட்சத்துக்கு குறைவாக உள்ள 62 நகரங்களும் கணக்கெடுப்புக்கு எடுத்துக் கொள்ளப்பட்டன.

    இதேபோல, சிறந்த நகராட்சி நிர்வாகத்தில் மக்கள்தொகை 10 லட்சத்துக்கு அதிகமான 51 நகராட்சி நிர்வாகங்களும், மக்கள்தொகை 10 லட்சத்துக்கு குறைவான 60 நகராட்சி நிர்வாகங்களும் கணக்கெடுப்புக்கு எடுத்துக் கொள்ளப்பட்டன.

    கல்வி, சுகாதாரம், வீட்டு வசதி, போக்குவரத்து வசதி, பொழுது போக்கு, பாதுகாப்பு, பொருளாதார மேம்பாட்டு நிலை, பொருளாதார வாய்ப்புகள், சுற்றுச்சூழல், எரிசக்தி பயன்பாடு, பச்சை மண்டலம், கட்டிடங்கள், நகரின் வளர்ச்சி, குடிமக்கள் பார்வை உள்ளிட்ட காரணிகளின் அடிப்படையில் வாழ்வதற்கு ஏற்ற நகரங்கள் பட்டியல் தயாரிக்கப்பட்டுள்ளது.

    இந்தப் பட்டியலில் மக்கள்தொகை 10 லட்சத்துக்கு அதிகமான நகரங்களில் தேசிய அளவில் பெங்களூரு முதலிடத்தையும், சென்னை 4-வது இடத்தையும், கோவை 7-வது இடத்தையும், மதுரை 22-வது இடத்தையும் பிடித்துள்ளன.

    மக்கள்தொகை 10 லட்சத்துக்கு குறைவாக உள்ள நகரங்கள் பட்டியலில் சிம்லா முதலிடத்தையும், சேலம், வேலூர் ஆகியவை முறையே 5, 6-வது இடங்களையும், திருச்சி 10-வது இடத்தையும், திருநெல்வேலி 17, திருப்பூர் 18, ஈரோடு 24-வது இடங்களையும் பிடித்துள்ளன.

    கல்வி, சுகாதாரம், குடிநீர் வசதி, துப்புரவு, பதிவு, அனுமதி, உட்கட்டமைப்பு ஆகிய சேவைகள், நிதியில் வருவாய்- செலவின மேலாண்மை, நிதி பரவ லாக்கல், மின்னணு ஆளுமை- பயன்பாடு- மின்னணு குறித்த கல்வியறிவு, திட்டங்கள் தயாரிப்பு- நடைமுறைப்படுத்துதல்- கட்டாயமாக்குதல், நிர்வாகத்தில் திறன்- வெளிப்படைத்தன்மை- கடமை, மனிதவளம், பங்கேற்பு உள்ளிட்ட காரணிகள் அடிப்படையில் சிறந்த நகராட்சி நிர்வாகங்கள் பட்டியலும் வெளியிடப்பட்டுள்ளது.

    இதில், மக்கள்தொகை 10 லட்சத்துக்கு அதிகமான நகரங்களில் இந்தூர் முதலிடத்தையும், கோவை 12-வது இடத்தையும், சென்னை 18-வது இடத்தையும், மதுரை 22-வது இடத்தையும் பெற்றுள்ளன.

    மக்கள்தொகை 10 லட்சத்துக்கு குறைவாக உள்ள நகரங்களில் சேலம் 5-வது இடத்தையும், திருநெல்வேலி 10-வது இடத்தையும், ஈரோடு 13-வது இடத்தையும், வேலூர் 14-வது இடத்தையும், திருச்சி 17-வது இடத்தையும், தூத்துக்குடி 20-வது இடத்தையும் பெற்றுள்ளன.

    LEAVE A REPLY

    Please enter your comment!
    Please enter your name here

    four × three =

    உடனுக்குடன் தினசரி தமிழ்ச் செய்திகளை உங்களது டெலிகிராம் ஆப்.,பில் பார்க்கலாம்!
    தினசரி செய்திகள் சேனலில் இணையுங்கள்!

    https://t.me/s/dhinasari

    வெள்ளித்திரைClick
    சினிமா | பொழுதுபோக்கு செய்திகள்...

    Latest Posts

    spot_imgspot_img

    Follow Dhinasari on Social Media

    432FansLike
    0FollowersFollow
    18FollowersFollow
    74FollowersFollow
    1,104FollowersFollow
    0SubscribersSubscribe
    -Advertisement-
    Translate »