கோடை வெயில் பல மாநிலங்களிலும் சுட்டெரித்து வருகிறது. கோடை வெயிலின்போது வெளியே வைக்கும் தண்ணீர்கூட கொதிநீராகிவிடும்.
சிறிது நேரம் பைக்கை வெயிலில் விட்டு, தெரியாமல் வண்டியின்மீது ஏறி விட்டால் சூடு வைத்ததுபோல கத்த வேண்டியதுதான். கோடைக்காலம் வந்தாலே வெயிலின் உஷ்ணத்தைக் காட்டும் வகையில் கிண்டல் வீடியோக்களும் வரும்.
இந்நிலையில் கார் பேனட்டில் பெண் ஒருவர் சப்பாத்தி சுடும் வீடியோ வைரலாகி வருகிறது.
பல மாநிலங்களிலும் வெப்பநிலை 40 டிகிரியை தொட்டுள்ளது. ஒடிசாவில் வெப்பநிலை சுட்டெரிப்பதால் பள்ளிக் குழந்தைகளுக்கு விடுப்பு அளிக்கப்பட்டுள்ளது.
இந்நிலையில் அடிக்கும் வெப்பத்திற்கு கேஸ் மூலம் சமைக்க வேண்டாம். வெளியில் வெயிலில் வைத்திருக்கும் காரிலேயே சமைத்து விடலாம் என ரொட்டியை சமைத்துக் காட்டி வீடியோ வெளியிட்டு உள்ளார், பெண் ஒருவர்.
அந்த ஒரு நிமிட வீடியோவில் ரொட்டிக்கு மாவு திரட்டி, சுட்டெரிக்கும் சூரியனையும் காண்பித்து, கார் பேனட்டில் ரொட்டியை சுட்டுள்ளார்.
ஆச்சர்யம் என்னவென்றால் அடுப்பில் சமைப்பதுபோல அந்த ரொட்டி நன்றாக வெந்துள்ளது. கார் பேனட்டில் ரொட்டி சுட்ட சம்பவம் சமூக வலைத்தளத்தில் தற்போது வைரலாக பரவி வருகிறது.
Scenes from my town Sonepur. It’s so hot that one can make roti on the car Bonnet 😓 @NEWS7Odia #heatwaveinindia #Heatwave #Odisha pic.twitter.com/E2nwUwJ1Ub
— NILAMADHAB PANDA ନୀଳମାଧବ ପଣ୍ଡା (@nilamadhabpanda) April 25, 2022