தமிழ் சினிமாவில் அலைபாயுதே திரைப்படத்தில் நடித்ததன் மூலம் மக்கள் மத்தியில் பெருமளவில் பிரபலமானவர் நடிகர் மாதவன்.
அதனைத் தொடர்ந்து ஏராளமான திரைப்படங்களில் நடித்து முதலில் சாக்லேட் பாயாக, பின்னர் ஆக்ஷன் ஹீரோவாக வலம்வரும் அவர் தமிழ் மட்டுமின்றி இந்தியிலும் செம பிஸியாக நடித்து வருகிறார்.
இந்தியளவில் பிரபலமான நடிகர்களுள் ஒருவராக இருக்கும் நடிகர் மாதவனுக்கு ஏராளமான ரசிகர்கள் பட்டாளமே உள்ளது. அதிலும் குறிப்பாக பெண் ரசிகைகள் ஏராளம். நடிகர் மாதவன் 1999 ஆம் ஆண்டு சரிகா என்ற பெண்ணை காதலித்து திருமணம் செய்துகொண்டார். இவர்களுக்கு வேதாந்த் என்ற மகன் உள்ளான்.
தந்தை, படத்தில் நடித்து மக்கள் மனதை கவர்ந்து பிரபலமாக இருப்பது போல, நடிகர் மாதவனின் மகன் ஏராளமான விருதுகளை குவித்து பெருமை சேர்த்து வருகிறார்.
அதாவது வேதாந்த் ஒரு இந்திய நீச்சல் வீரர். அவர் இதுவரை நிறைய போட்டிகளில் கலந்துகொண்டு பதக்கம், விருதுகளை வென்றுள்ளார்.
மேலும் அவர் அண்மையில் பெங்களூரில் நடந்த 47th Junior National Aquatic Championships 2021 நீச்சல் போட்டியில் கலந்துகொண்டு 7 பதக்கங்களை பெற்றுள்ளார்.
நீச்ச்சல் போட்டியின் மீது ஆர்வம் கொண்ட 16 வயதான வேதாந்த், சமீபத்தில் பெங்களூருவில் நடைபெற்ற 47-வது ஜூனியர் சாம்பியன்ஷிப் தொடரில் பங்கேற்றார்.பல்வேறு பிரிவுகளில் பங்கேற்ற அவர், 4 வெள்ளிப் பதக்கங்களையும், 3 வெண்கலப் பதக்கங்களையும் கைப்பற்றி அசத்தியுள்ளார். வேதாந்தின் சாதனைக்கு பலரும் பாராட்டும், வாழ்த்தும் தெரிவித்து வருகின்றனர். கடந்த மார்ச் மாதம் நடந்த லாத்வியன் ஓபன் நீச்சல் போட்டியில், இந்தியா சார்பாக பங்கேற்று வேதாந்த் வெண்கலம் வென்றது குறிப்பிடத்தக்கது.
சத்தமில்லாமல் போதையும் கடத்தலாம்.. சாதனையும் படைக்கலாம்.. நாம் தேர்வு செய்யும் பாதை பாரத மரபின் பாதையாக இருக்கும் எனில் சாதனை சுலபம்!
இந்த தகவல் தெரியவந்த நிலையில் பலரும் அவருக்கு வாழ்த்து தெரிவித்து வருகின்றனர்.
