கின்னஸ் வேல்ட் ரெக்கார்டு இன்ஸ்டாகிராம் பக்கம் சாதனையாளர்களின் வீடியோவால் நிரம்பி வழிகிறது.
அதில் பல வீடியோக்கள் நம்மை திகைக்க வைத்தாலும், சில மட்டுமே இது எப்படி சாத்தியமானது என ஆச்சர்யத்தில் நம்மை உறைய வைக்கிறது. அப்படிப்பட்ட கிக்கேற்றும் வீடியோக்களுக்கு எப்போதுமே கின்னஸ் சாதனை புத்தகத்தின் யூ-டியூப் மற்றும் இன்ஸ்டாகிராம் பக்கத்தில் ஆயிரக்கணக்கில் கொட்டிக்கிடக்கிறது.
சில மணி நேரத்திற்கு முன்பாக இன்ஸ்டாகிராம் பக்கத்தில் பதிவேற்றப்பட்ட பெண் ஒருவரின் சாதனை வீடியோ வைரலாகி வருவதோடு, பாராட்டுக்களையும் குவித்து வருகிறது.
அமெரிக்காவின் கலிபோர்னியாவில் அமைந்துள்ள புகழ்பெற்ற கடற்கரையான சாண்டா மோனிகா பீச்சில் ஒல்கா ஹென்றி என்ற இளம் பெண் நிகழ்த்திய சாதனை சோசியல் மீடியாவில் வைரலாகி வருகிறது.
அந்த வீடியோவில், சாண்டா மோனிகா கடற்கரையின் மணப்பரப்பிற்கு மேலாக இருபுற பார்களுக்கும் நடுவே ஒரு நீண்ட கயிறு கட்டப்பட்டுள்ளது. அதை லவகமாக கடந்ததற்காக ஒல்கா ஹென்றி என்ற பெண் சாதனையாளர்களின் புத்தகமான கின்னஸ் புக் ஆப் ரெக்கார்ட்ஸில் இடம் பிடித்துள்ளார்.
கின்னஸ் சாதனையில் இடம் பெறுவதற்காக ஒல்கா செய்த விஷயம்…
அந்த வீடியோவில், இரண்டு கால்களிலும் ஹை ஹில்ஸ் அணிந்திருக்கும் ஒல்கா, எந்த வித பிடிப்பும் இல்லாமல் கயிற்றின் மீது ஏறி நிற்கிறார். பின்னர் கயிற்றின் மீது ஒற்றை காலை நீட்டி வைத்து, எகிறி குதிக்கிறார். மீண்டும் சரியாக கயிற்றின் மீது வந்து இரண்டு கால்களையும் ஹைஹீல்ஸ் உடன் பேலன்ஸ் செய்து நிற்கிறார்.
இன்ஸ்டாகிராம் பக்கத்தில் பதிவேற்றப்பட்டுள்ள ஒல்கா ஹென்றியின் வீடியோவை பார்க்கும் போது நமது கண்களை நம்மால் கூட நம்ப முடியவில்லை. இது உண்மை தானா? இல்லை ரிப்பீட்டு மோடில் வீடியோ ப்ளே ஆகிறதா? என சந்தேகம் எழும் அளவிற்கு ஒல்கா வேகமாக செயல்படுகிறார்.
அந்த அளவிற்கு கொஞ்சம் கூட நிலை தடுமாறாமல் செய்திருக்கிறார். இப்படி ஒரு நிமிடத்திற்குள் 25 முறைகள் எகிறி குதித்த ஒல்கா ஹென்றி கின்னஸ் சாதனை படைத்துள்ளார்.
இந்த வீடியோவை பதிவேற்றிய 10 மணி நேரத்திற்குள்ளாகவே 23 ஆயிரத்திற்கும் மேற்பட்டோர் கண்டு வியந்துள்ளனர். ஒல்காவின் இந்த அற்புதமான திறமையை பலரும் பாராட்டி வருகின்றனர்.
இப்படியொரு சாதனையை படைப்பது சாதாரணமானது அல்ல, நிறைய பயிற்சியும், சாதிக்க வேண்டும் என்ற விடாமுயற்சியும் இருந்தால் மட்டுமே சாத்தியம் என பலரும் கருத்து தெரிவித்து வருகின்றனர்.
சாதாரணமாகவே கயிற்றின் மீது நடப்பது கடினம், அதிலும் ஹைஹீல்ஸ் அணிந்து கொண்டு இதை செய்வது என்பது அசாத்தியமானது என பலரும் பாராட்டியுள்ளனர்.