ஆப்பிள் மற்றும் சாம்சங்கிற்குப் பிறகு, இப்போது கூகிள் தனது பிக்சல் போன்களுக்கான செல்ஃப் ரிபயர் திட்டத்தை அறிமுகப்படுத்தியுள்ளது.
கூகுள் பிக்சல் பயனர்கள் இப்போது தங்கள் மொபைலைத் தாங்களே சரிசெய்துகொள்ள முடியும். இதற்காக ஆன்லைன் பழுதுபார்க்கும் சமூகமான iFixit உடன் கூகுள் கூட்டு சேர்ந்துள்ளது.
செல்ஃப் ரிபயர் திட்டத்தின் கீழ், வாடிக்கையாளர்களுக்கு அவர்களின் போன்களை சரிசெய்வதற்கான படிப்படியான செயல்முறை வழங்கப்படும். தேவைக்கு ஏற்ப, கூகுள் ஸ்டோரில் பயனர்கள் போனின் பாகங்களை வாங்க முடியும்.
பிக்சல் 2 முதல் பிக்சல் 6 ப்ரோ வரையிலான பாகங்களை ifixit.com இலிருந்து வாங்கலாம். பாகங்களாக, வாடிக்கையாளர்கள் பேட்டரி, கேமரா, டிஸ்ப்ளே போன்றவற்றை உள்ளடக்கிய iFixit Fix Kit ஐ வாங்க முடியும். இந்த கிட்டில், ஸ்க்ரூ டிரைவர் போன்ற கருவிகள் இருக்கும்.
கூகுளின் செல்ஃப் ரிபயர் திட்டம் அமெரிக்கா, இங்கிலாந்து, கனடா, ஆஸ்திரேலியா மற்றும் ஐரோப்பிய யூனியன் ஆகிய நாடுகளில் இந்த ஆண்டு இறுதிக்குள் தொடங்கும்.
கூகுள் வலைப்பதிவில் அதன் சுய பழுதுபார்க்கும் திட்டத்தைப் பற்றிய தகவல்களைத் தந்துள்ளது. மேலும், கூகுளின் சேவை மையத்திலும் ஃபோன் பழுதுகள் தொடரும்.
iFixit க்கு முன், Apple அதன் Chromebookகளுக்கான சுய பழுதுபார்க்கும் திட்டங்களுக்காக Acer மற்றும் Lenovo போன்ற நிறுவனங்களுடன் கூட்டு சேர்ந்துள்ளது.
இந்த வார தொடக்கத்தில், சாம்சங் செல்ஃப் ரிபயர் திட்டத்தை அறிமுகப்படுத்தியுள்ளது. இந்த திட்டத்தின் கீழ், பயனர்கள் தங்கள் கேலக்ஸி ஸ்மார்ட்போன்களை வீட்டிலேயே சரிசெய்ய முடியும்.
சாம்சங் iFixit உடன் கூட்டு சேர்ந்துள்ளது. சாம்சங்கின் சுய பழுதுபார்க்கும் திட்டம் தற்போது அமெரிக்காவில் மட்டுமே தொடங்கப்பட்டுள்ளது. ஆப்பிள் சுய பழுதுபார்க்கும் திட்டத்தையும் கொண்டுள்ளது.
