கடந்த உலகக் கோப்பை போட்டிகளில் 7 முறை முட்டி மோதி, கடைசியில் நியூசிலாந்து அணி தற்போது இறுதிப் போட்டிக்கு தகுதி பெற்றுள்ளது. இத்தனை முறை இல்லாமல், இந்த முறை தென்னாப்பிரிக்கா செய்த சிறு சிறு தவறுகள், அந்த அணியை இறுதிப் போட்டிக்கு கொண்டு வந்துள்ளது. கடந்த ஆறு அரையிறுதிப் போட்டிகளில் நியூசிலாந்து அடைந்த தோல்விப் பட்டியல்…. 1975ல் ஓவலில் நடைபெற்ற போட்டியில் நியூசிலாந்து 158 ரன் எடுத்தது. அது மேற்கு இந்தியத் தீவுகள் அணியுடன் 5 விக்கெட் வித்தியாசத்தில் தோல்வி அடைந்தது. அப்போது கிரீனிட்ஜ், காளிசரன் இருவரும் இணைந்து 125 ரன் சேர்த்தனர். 1979ல் ஒல்ட் ட்ராபோர்ட்டில், நியூசிலாந்து இங்கிலாந்திடம் தோல்வி கண்டது. நியூசிலாந்து 212/9 எடுத்தது. இங்கிலாந்து 221/8. 9 ரன் வித்தியாசத்தில் தோல்வி. 1992ல் ஆக்லாந்தில் நடைபெற்ற போட்டியில், பாகிஸ்தானிடம் 4 விக்கெட் வித்தியாசத்தில் தோல்வி அடைந்தது. நியூசிலாந்து 262/7. பாகிஸ்தான் 264/6. 4 விக்கெட் வித்தியாசத்தில் பாகிஸ்தான் வெற்றி. 1999ல் ஓல்ட் ட்ராபோர்டில் நடைபெற்ற போட்டியில், பாகிஸ்தானிடம் வெற்றியை இழந்தது. முதலில் பேட் செய்த நியூசிலாந்து 7 விக்கெட் இழப்புக்கு 241 ரன் எடுத்தது. பின்னர் ஆடிய பாகிஸ்தான் 1 விக்கெட்டே இழந்து, 242 ரன் குவித்தது. அன்வர் 113 ரன்னும் வஜஹ்துல்லா 84 ரன்னும் குவித்தனர். 2007ல் கிங்ஸ்டனில் நடைபெற்ற போட்டியில், முதலில் ஆடிய இலங்கை 5 விக்கெட் இழப்புக்கு 289 ரன் குவித்தது. பின்னர் ஆடிய நியூசிலாந்து 208 ரன்னுக்கு ஆட்டம் இழந்தது. 2011ல் கொழும்புவில் நடைபெற்ற போட்டியில், நியூசிலாந்து 217 ரன் எடுத்தது. பின்னர் ஆடிய இலங்கை 220/5 எடுத்து வெற்றி பெற்றது. இப்போது, 2015ல் முதல் முறையாக அரையிறுதியில் வென்று இறுதிப் போட்டிக்கு தகுதி பெற்றுள்ளது நியூசிலாந்து அணி. இதில், முதலில் பேட் செய்த தென்னாப்பிரிக்க அணி 5 விக்கெட்டுக்கு 281 ரன் குவித்தது. பின்னர் ஆடிய நியூசிலாந்து 299 ரன் எடுத்து வெற்றி வாகை சூடியது. இந்த முறை நியூசிலாந்து, தென்னாப்பிரிக்காவை வெற்றிகொள்ள, தென்னாப்பிரிக்காவில் பிறந்து நியூசிலாந்து அணிக்காக விளையாடிய எலியட் அடித்த சிக்ஸர் காரணம் என்பது குறிப்பிடத்தக்கது.
Posts by செங்கோட்டை ஸ்ரீராம்:
- வாஞ்சி பிறந்த தினத்தில் ஒரு கோரிக்கை!
- சாதனை நாயகர், நீண்டகால பிரதமர்: நரேந்திர மோடியின் அசத்தல் சாதனைகள்!
- தாமிரபரணிக் கரை ஆலயத்தில்… வழிபாட்டில் திருவள்ளுவர்!
- ‘மகளிருக்கும் தமிழருக்கும்’ கொடுத்தார் மோடி; கெடுத்தார் ஸ்டாலின்!
- ஈரான் விஷயத்தில் பாரதம் ஏன் தலையிடவில்லை?!
