கூகுள் நிறுவனம், சுமார் 1.5 மில்லியன் பயனர்களுக்கு எச்சரிக்கை செய்தியைக் வெளியிட்டுள்ளது. இதன்படி இரண்டு புதிய மால்வேர் செயலிகளின் பெயர்களைக் கூகுள் தற்பொழுது வெளியிட்டுள்ளது. ஆபத்தான இந்த இரண்டு ஆப்-கள், உங்கள் ஸ்மார்ட்போனில் இருந்தால் உடனடியாக அன்-இன்ஸ்டால் செய்யும்படி கூகுள் வலியுறுத்தியுள்ளது.
ஆபத்தான ஆப்ஸ் என்ற பிரிவின் கீழ், கூகுள் நிறுவனம் சென்ற வாரம் வரை சுமார் 64 மால்வேர் செயலிகளைத் தனது பிளே ஸ்டோரில் இருந்து நீக்கம் செய்துள்ளது. இந்த 64 மால்வேர் ஆப்-களை தொடர்ந்து, தற்பொழுது மீண்டும் இரண்டு புதிய ஆப்களின் பெயரை ஆபத்தான அப்ஸ் பிரிவின் கீழ் கூகுள் நிறுவனம் சேர்த்து, அவற்றையும் பிளே ஸ்டோரில் இருந்து நீக்கம் செய்துள்ளது.
அந்த இரு ஆப்ஸ்கள் சன் ப்ரோ பியூட்டி கேமரா (Sun Pro Beauty Camera) மற்றும் ஃபன்னி ஸ்வீட் பியூட்டி செல்ஃபி கேமரா (Funny Sweet Beauty Selfie Camera).
இந்த இரண்டு ஆப்-களை தான் கூகுள் நிறுவனம் தற்பொழுது ஆபத்தான ஆப்ஸ்களின் பட்டியலில் சேர்த்துள்ளது. இந்த செயலியை இது வரை சுமார் 1.5 மில்லியன் பயனர்கள் டவுன்லோட் செய்துள்ளனர்
இந்த இரண்டு ஆபத்தான ஆப்ஸ்களும், பயனர்களின் ஸ்மார்ட்போனில் தேவையில்லாத பாப்-அப் விளம்பரங்களை வழங்குவதுடன், அதைப் பயனரின் கவனத்திற்குத் தெரியாமல், பேக்கிரவுண்டில் ரன் ஆகும்படி செய்துள்ளது என்பது கண்டுபிடிக்கப்பட்டுள்ளது. இதனால் பயனர்களின் பேட்டரி வேகமாக வீணாய்ப் போகிறதென்பதும் கண்டுபிடிக்கப்பட்டுள்ளது.
இத்துடன், இந்த சன் ப்ரோ பியூட்டி கேமரா மற்றும் ஃபன்னி ஸ்வீட் பியூட்டி செல்ஃபி கேமரா ஆகிய இரண்டு செயலிகளும், ஸ்மார்ட்போன் பாதுகாப்பைத் தவறாகப் பயன்படுத்துவதும் கண்டுபிடிக்கப்பட்டுள்ளது. இந்த காரணத்தினால் கூகுள் நிறுவனம் ஸ்மார்ட்போன் பயனர்களை உடனே இந்த ஆப்ஸ்களை அவர்களின் போனில் இருந்து அன்-இன்ஸ்டால் செய்யச் சொல்லித் வலியுறுத்தியுள்ளது.
கூடுதலாக இந்த இரண்டு செயலிகளும் பயனர்களின் ஸ்மார்ட்போனில் இருந்து ஆடியோ ரெகார்டிங் சேவைக்கான அனுமதியையும் கேட்டுள்ளது. இது தற்பொழுது மீண்டும் கூடுதல் சந்தேகத்தை எழுப்பியுள்ளது என்று மொபைல் பாதுகாப்பு நிறுவனம் வாண்டரா தெரிவித்துள்ளது. வாண்டரா நிறுவனம் தான் இந்த செயலிகளில் மால்வேர் உள்ளது என்பதை கண்டுபிடித்துள்ளது.
இதற்கு முன்பு சிஎஸ்ஐஎஸ் (CSIS) என்று அழைக்கப்படும் சைபர் பாதுகாப்பு சேவை ஆராய்ச்சியாளர்கள், சுமார் 24 மால்வேர் ஆப்ஸ்களை, கூகுள் பிளே ஸ்ட்ரோலில் இருந்து கடந்த வாரம் கண்டுபிடித்து, கூகுளின் உதவியுடன் நீக்கம் செய்தனர். இதில் என்னவென்றால் இந்த ஆப்ஸ்களை சுமார் 5 லட்சத்திற்கும் அதிகமான பயனர்கள் பயன்படுத்தி ஆபத்தில் உள்ளனர் என்பது தான்.
அதற்கும் முன்பு, கேம்ஸ்கேனர்(CamScanner) என்றழைக்கப்படும் பிரபலமான ஆப்-ஐ கூகுள் நிறுவனம் தனது பிளே ஸ்டோரில் இருந்து நீக்கம் செய்தது. இந்த CamScanner செயலியை இதுவரை சுமார் 1 மில்லியன் பயனர்கள் பதிவிறக்கம் செய்து பயன்படுத்தி வருகின்றனர்.
