முளைக்கீரை மசியல்
தேவையானவை:
முளைக்கீரை – ஒரு கட்டு,
பாசிப்பருப்பு – அரை கப்,
பச்சை மிளகாய், வெங்காயம் – தலா 1,
சீரகம் – அரை டீஸ்பூன்,
பூண்டு – 4 பல்,
நெய் – 2 டீஸ்பூன்,
உப்பு – தேவையான அளவு.
செய்முறை:
முளைக்கீரையை சுத்தம் செய்து, பொடியாக நறுக்கவும். பாசிப்பருப்பை குழையாமல் வேகவிடவும். பச்சை மிளகாய், வெங்காயத்தை பொடியாக நறுக்கவும். நறுக்கிய கீரையுடன் வெங்காயம், பூண்டு, பச்சை மிளகாய், சீரகம், சிறிதளவு நீர் சேர்த்து வேகவைக்கவும். வெந்ததும், உப்பு சேர்த்துக் கடையவும். பிறகு, வேகவைத்த பருப்பு, நெய் சேர்த்து மேலும் ஒரு முறை கடைந்து, சூடான சாதத்தில் பிசைந்து சாப்பிடவும். இதை சப்பாத்திக்கும் தொட்டுக்கொள்ளலாம்.
