நீண்ட நாட்களாக இந்தியாவில் எப்போது வெளியாகும் என்று எதிர்பார்க்கப்பட்ட Mi ஸ்மார்ட் பேண்ட் 6 அறிமுகம் ஆகியுள்ளது.
பேண்ட் 5 உடன் ஒப்பிடும்போது Mi ஸ்மார்ட் பேண்ட் 6 ஒரு பெரிய டிஸ்பிளேவைக் கொண்டுள்ளது மற்றும் 14 நாட்கள் பேட்டரி லைஃப், தரமான IP ரேட்டிங் மற்றும் பல வசதிகளையும் அம்சங்களையும் கொண்டுள்ளது
. Mi பேண்ட் 6 நீலம், வெளிர் பச்சை, ஆரஞ்சு மற்றும் மெரூன் ஸ்ட்ராப் வண்ண விருப்பங்களில் வாங்க கிடைக்கும்.
சியோமி Mi ஸ்மார்ட் பேண்ட் 6 அம்சங்கள்
Mi ஸ்மார்ட் பேண்ட் 6 1.56 இன்ச் (152×486 பிக்சல்கள்) AMOLED டச் டிஸ்ப்ளேவைக் கொண்டுள்ளது, இது 450 nits உச்ச பிரகாசத்தையும் 326ppi பிக்சல் அடர்த்தியையும் வழங்குகிறது.
இந்த பேண்ட் மொத்தம் 80+ வாட்ச் ஃபேஸ்களை ஆதரிக்கிறது.
பேட்டரியைப் பொறுத்தவரை, சியோமி Mi ஸ்மார்ட் பேண்ட் 6 ஒரு முறை சார்ஜ் செய்தால் 14 நாட்கள் வரை பேட்டரி லைஃப் வழங்கும் என்று கூறப்படுகிறது.
Mi ஸ்மார்ட் பேண்ட் 6 உங்கள் இரத்த ஆக்ஸிஜன் அளவை கண்காணிக்க உதவும் ஒரு SpO2 சென்சார் உடன் வருகிறது.
பெண்களில் மாதவிடாய் சுழற்சியினை கண்காணிக்க உதவும் ஒரு பிரத்யேக பெண்கள் சுகாதார கண்காணிப்பு அமைப்பையும் இந்த பேன்ட் கொண்டுள்ளது.
மேலும், 24/7 இதய துடிப்பு கண்காணிப்பு, மன அழுத்த கண்காணிப்பு, தூக்க கண்காணிப்பு மற்றும் பல அம்சங்களையும் கொண்டுள்ளது.
கூடுதலாக, கிரிக்கெட், பேட்மிண்டன், ஜூம்பா மற்றும் பலவற்றை உள்ளடக்கிய மொத்தம் 30 உடற்பயிற்சி முறைகள் கிடைக்கும்.
இந்த Mi smart band 6 ஆட்டோ டிடெக்ஷன் முறைகளையும் ஆதரிக்கிறது.
இவற்றோடு, Mi ஸ்மார்ட் பேண்ட் 6 5 ஏடிஎம் நீர் எதிர்ப்பு, ப்ளூடூத் V5.0 இணைப்பு ஆதரவையும் வழங்குகிறது,
மேலும் இது Mi ஃபிட் மற்றும் சியோமி வேர் பயன்பாடு ஆகிய இரண்டிற்கும் இணக்கமானது.
Mi ஸ்மார்ட் பேண்ட் 6: விலை & விற்பனை விவரங்கள்
Mi ஸ்மார்ட் பேண்ட் 6 இன் விலை இந்தியாவில் ரூ.3,499 ஆகும்.
ஆகஸ்ட் 30 முதல் Mi.com, Mi Home மற்றும் Amazon மூலம் வாங்குவதற்கு இது கிடைக்கும்.
தற்போதுள்ள Mi பேண்ட் பயனர்களுக்கு ரூ.500 தள்ளுபடி கிடைக்கும் என்பதால் Mi ஸ்மார்ட் பேண்ட் 6 சாதனத்தை Mi.com இலிருந்து ரூ.2,999 விலைக்கு வாங்க முடியும்.
அவர்கள் தங்கள் Mi ஃபிட் App-இல் ஒரு புஷ் அறிவிப்பைப் பெறுவார்கள் மற்றும் அதில் சொல்லப்படும் சில வழிமுறைகளைப் பின்பற்றி சலுகைகளைப் பெற முடியும்.
