கொழுக்கட்டை + பூரணம் ரெசிபி

கொழுக்கட்டை
நன்றி-பாமா சமையல்.

தேவையான பொருட்கள் – மேல் மாவு :

அரிசி மாவு                 : 1 டம்ளர்
தண்ணீர்                       : 1 டம்ளர்
உப்பு                               : 1 கல்
எண்ணை                    : 2 டி ஸ்பூன்

செய்முறை :

• ஒரு அகலமான, அடிகனமான பாத்திரத்தில் 1 டம்ளர் தண்ணீரை விடவும்.
• தண்ணீர் தள தள வென்று கொதிக்கும்பொழுது 1 கல் உப்பு, எண்ணை விட்டு பிறகு மாவை கொட்டி கிளறவும்.
  
• அடுப்பை sim இல் வைக்கவும்.
  
• மாவின் நிறம் மாறு கையில் ஒட்டாமல் வரும்பொழுது இறக்கி விடவும்.
  
• பிறகு ஒரு வெள்ளைத் துணியை நனைத்துப் பிழிந்து மாவின் மேல் மூடி வைக்கவும். மாவு காயாமல் இருக்கும்.
  
• தேவையான பொருட்கள் – தேங்காய் பூரணம் :

தேங்காய்                : 1 மூடி (துருவிக்கொள்ளவும்)
வெல்லம்                : 50 கிராம் (பொடிக்கவும்)
ஏலக்காய்                : 1 Nos. (பொடிக்கவும்)

செய்முறை :

• வாணலியில் தேங்காய், வெல்லம், சேர்த்து அடுப்பில் வைத்து கிளறவும்.
  
• இரண்டும் சேர்த்து வாணலியில் ஒட்டாமல் வரும் பொழுது இறக்கி ஏலக்காய் பொடி சேர்க்கவும்.

தேவையான பொருட்கள் – உளுந்து பூரணம் :

வெள்ளை உளுந்து            : 1 டம்ளர் (1/2 மணி நேரம் ஊறவைக்கவும்)
பச்சை மிளகாய்                  : 5 Nos. (அவரவர் காரத்திற்கேற்ப)
உப்பு                                          : தேவையான அளவு
பெருங்காயம்                       : சிறிது
கடுகு                                         : 1 டி ஸ்பூன்
தேங்காய் துருவல்            : 4 டி ஸ்பூன்
எண்ணை                                : 2 டி ஸ்பூன்

செய்முறை :

• உ.பருப்பு, ப.மிளகாய், உப்பு, பெருங்காயம் சேர்த்து மிக்சியில் கொஞ்சம் கரகரப்பாக அரைக்கவும்.
• தண்ணீர் விடாமல் தெளித்து அரைக்கவும்.
• பிறகு அதை இட்லி தட்டில் வைத்து ஆவியில் 10 நிமிடம் வேக விடவும்.
• பிறகு ஆற வைத்து கையால் உதிர்த்துக் கொள்ளவும்.
• ஒரு வாணலியில் எண்ணை விட்டு கடுகு போட்டு கடுகு பொரிந்தவுடன் உதிர்த்து வைத்துள்ள உளுந்து கலவையை போட்டு தேங்காய் சேர்த்து 5 நிமிடம் வதக்கி எடுக்கவும்.
• இது உளுந்து பூரணம்.

தேவையான பொருட்கள் – எள் பூரணம் :

வெள்ளை or கருப்பு எள்              : 100 கிராம்
வெல்லம்                                           : 50 கிராம்
ஏலக்காய்                                           : 2 Nos.

செய்முறை :

• ஒரு வாணலியில் எல்லை போட்டு வறுக்கவும்.
• எள் படபடவென்று வெடிக்கும், கருக விடாமல் வறுக்கவும்.
• ஆறவைத்து மிக்சியில் எல்லை போட்டு ஒரு சுற்று சுற்றி வெல்லம், ஏலக்காய், சேர்த்து பொடித்து எடுக்கவும்.
• எள் பூரணம் ரெடி

செய்முறை – கொழுக்கட்டை :

• சிறிது மாவை எடுத்து நன்றாக பிசைந்து உருட்டி சோப்பு போல் செய்யவும்.
• பூரணத்தை வைத்து மூடி மூக்கு வைத்து ஆவியில் 2 நிமிடம் வேக வைத்து எடுத்தால் கொழுக்கட்டை ரெடி.
• கொழுக்கட்டை மேல் வேர்த்தால் போல் இருக்கும். அது வெந்த அடையாளம்.
• தேங்காய் பூரணம் வைத்து கொழுக்கட்டை செய்தால் – வெல்ல கொழுக்கட்டை
• உளுத்தம் பூரணம் வைத்து கொழுக்கட்டை செய்தால் – கார/உப்பு கொழுக்கட்டை
• எள்ளு பூரணம் வைத்து கொழுக்கட்டை செய்தால் – எள்ளு கொழுக்கட்டை

பொரித்த கொழுக்கட்டை

தேவையான பொருட்கள் :

மைதா மாவு                 : 100 கிராம்
சால்ட்                              : 1 சிட்டிகை
தண்ணீர்                         : தேவையான அளவு
பொரிப்பதற்கு             : எண்ணை or நெய் அவரவர் சௌகர்யம்

செய்முறை :

• மைதாமாவுடன் சால்ட் சேர்த்து தண்ணீர் விட்டு சப்பாத்தி மாவு பதத்தில் பிசையவும்.
• ஒரு 1/2 மணி நேரம் கழித்து சப்பாத்தி போல் கொஞ்சம் thin ஆக இடவும்.
• ஏதாவது ஒரு மூடியால் (round) கட் பண்ணி தேங்காய் பூரணத்தை வைத்து மூடி, மூக்கு வைக்கவும்.
• எண்ணையை காய வைத்து நிதானமான சூட்டில் சிறிது சிறிதாக போட்டு வெந்தவுடன் எடுக்கவும்.
• பொறித்த கொழுக்கட்டை ரெடி.