தமிழகத்தில்  வெள்ளத்தால் பாதிக்கப்பட்ட மக்களுக்கு உதவிட மராட்டிய மாநிலம் அகமதுநகர் மாவட்டத்தைச் சேர்ந்த பாலியல் தொழிலாளர்கள் தமிழக வெள்ள நிவாரண பணிகளுக்காக சினேகாலயா’ என்ற தொண்டு நிறுவனம், அகமதுநகரில் நேற்று ஏற்பாடு செய்த நிகழ்ச்சியில் ரூ.1 லட்சத்துக்கான காசோலையை அந்த மாவட்டத்தின் ஆட்சியர் அனில் கவடேவிடம் அவர்கள் வழங்கியுள்ளனர்.

 பாலியல் தொழிலாளர்கள் வெள்ள நிவாரண நிதி அளித்தது குறித்து   சினேகாலயா’ நிறுவனர் கிரிஷ் குல்கர்னி செய்தியாளர்களிடம்  கூறியதாவது :-

 தமிழக வெள்ள பாதிப்பைப் பற்றி கேள்விப்பட்டு, கடந்த 4 நாட்களாக பாலியல் தொழிலாள  பெண்கள் மன உளைச்சலில் இருந்தனர். மாவட்டத்தில் மொத்தம் உள்ள 3 ஆயிரம்  பாலியல் தொழிலாளர்களில் 2 ஆயிரம் பேர், இந்த நிதியில் தங்கள் பங்கை கொடுத்துள்ளனர். மேலும், கடந்த 4 நாட்களாக தினமும் ஒருவேளை மட்டுமே அவர்கள் சாப்பிட்டுள்ளனர் என்பது குறிப்பிடத்தக்கது என கிரிஷ் குல்கர்னி செய்தியாளர்களிடம்  கூறினார்.

மருத்துவமனையில் பிரேதங்களை பரிசோதனை செய்யும் பகுதி பக்கம் செல்லவே பெரும்பாலோர் சங்கடப்படுவார்கள்.

இந்த நிலையில் மதுரை அரசு ராஜாஜி மருத்துவமனை பிரேத அறையில், பிரேதத்தை பரிசோதனை செய்யும் ஊழியர் விஜயன், அவரது 1 மாத சம்பளம் 13 ஆயிரம் மற்றும் வீட்டில் வைத்திருந்த 7 ஆயிரம் ஆக மொத்தம் ரூ. 20 ஆயிரத்தை, வெள்ளத்தால் பாதிக்கப்பட்ட மக்களுக்கு வழங்க மதுரை மாவட்ட ஆட்சியரிடம் கோரிக்கை விடுத்து நேற்று ஒப்படைத்துள்ளார்.

மிக கஷ்டமான வேலையை செய்யும் பிரேத அறை ஊழியர் விஜயனிடம் அவர் வெள்ள நிவாரண நிதி அளித்தது குறித்து செய்தியாளர்கள் கேட்டபோது கூறியதாவது :-

“தமிழகத்தில் சென்னை மற்றும் கடலூர் மாவட்டங்களில் கடும் மழை வெள்ளத்தால் மக்கள் படும் துன்பங்களை பார்த்து என்னால் நிம்மதியாக இருக்க முடியவில்லை.

பாதிக்கப்பட்ட மக்களுக்கு நானும் ஏதாவது செய்ய வேண்டுமென்று நினைத்தேன். என்னுடைய குடும்ப உறுப்பினர்களிடம் இந்த மாத வீட்டு செலவை எப்படியாவது சமாளித்து கொள்வோம் என்றும் இந்த மாதத்தின் சம்பளத்தை பாதிக்கப்பட்ட மக்களுக்காக கொடுக்கப் போகிறேன் என்றும் சொன்னேன். அவர்கள் ஒத்துக் கொண்டார்கள்.
இப்போதுதான் எனக்கு சம்பளம் ரூ.13 ஆயிரம் வந்தது.

எனது மகள் சேமித்து வைத்து கொடுத்த பணத்தையும் சேர்த்து ரூ. 20 ஆயிரத்தை மதுரை மாவட்ட ஆட்சியரிடம் கோரிக்கை விடுத்து கொடுத்துள்ளேன்” என மனிதநேயம் கொண்ட பிரேத அறை ஊழியர் விஜயன் செய்தியாளர்களிடம் தெரிவித்ததார் .

மக்களின் வரிப் பணத்தில் தமிழக அரசாங்கம் பொதுமக்களுக்கான அனைத்து நலத்திட்ட உதவிகளுக்காக செலவிட பெரும் தொகையை ஒதுக்குகிறது.

அவ்வாறு ஒதுக்கப்படும் பல கோடி ரூபாய்களை பெரும்பாலான அதிகார வ(ர்)க்கத்த அரசியல்வாதிகள் பொதுநல நோக்கம் இன்றி லஞ்சம் பெற்றும் ஊழல் செய்தும், பொதுமக்களின் வரிப் பணத்தை பொதுநல திட்டங்களுக்கு முறையாக செலவிடாமல் கொள்ளையடித்து சொத்து சேர்க்கும் பேராசையில் தொடர்ந்து சுற்றி திரிந்து வரும் சுயநல அரசியல்வாதி கரைவேட்டி கொள்ளையர்கள் பாதிக்கப்பட்ட மக்களுக்கு உதவ மனமின்றி உள்ளனர்

இந்த நிலையில் தற்போது சென்னை மீளக் காரணம் அரசியல் போன்று எவ்விதமான இலவச சுய விளம்பரமும் தேடிக் கொள்ள ஆசைப்படாமல் இன, மத, மொழி, நிற வேறுபாடுகளுக்கெல்லாம் அப்பாற்பட்டு மனித நேயத்துடன் உதவிக்கரம் கொடுத்த தனியார் அமைப்புகள், தன்னார்வ தொண்டு அமைப்புகள் மற்றும் மனிதநேயம் கொண்ட தனி மனிதர்களும்தான் என்றால் மிகையல்ல.

வெள்ளத்தால் பாதிக்கப்பட்ட தமிழக மக்களுக்கு மனித நேயத்துடன் உதவிக் கரம் கொடுத்த, கொடுத்துக் கொண்டுள்ள அனைவருக்கும் தினசரி இணைய தமிழ்ச் செய்தித் தளம் நிறுவனம் வாழ்த்துக்களையும், பாராட்டுகளையும் தெரிவித்துக் கொள்கிறது.

பாவூர்சத்திரம் அருகே கொடிகம்பங்கள் அகற்றம்  பாவூர்சத்திரம் அருகே திப்பணம்பட்டி பஞ்சாயத்திற்கு உட்பட்ட கிராமம் நாட்டார்பட்டி   தற்போது பெய்து வரும் கனமழையால்   ஊர் அருகே உள்ள குளங்கள் பெருகி அதன் உபரி நீர்  மற்றும்  வயல்களில் ஊற்று தண்ணீர்  ஊர் பகுதியில் உள்ள வாறுகால் வழியாக வரத் தொடங்கியது . இந்நிலையில் நாட்டார்பட்டி பூவனூர் சாலையில் உள்ள வாறுகாலில் நேற்று தண்ணீர் அதிகரிக்க ,அதிகரிக்க கழிவுகள் போய் அடைத்துக்கொண்டு நீர் செல்ல முடியாமல் ஊருக்குள் வரத்தொடங்கியது ,சென்னை நிலை  இங்கும் ஏற்றப்பட்டு விடக்கூடாது என்று அப்பகுதி கிராமமக்கள்   அனைவரும் ஒன்று சேர்ந்து, தண்ணீர் ஊருக்குள் வந்து விடாமல் இருக்க அனைத்து ஆக்கிரமிப்புகளையும் அகற்ற முன்வந்தனர்.   இதையடுத்து  ஆக்கிரமிப்பு பகுதிகளை அதன் உரிமையாளர்களே முன்வந்து எடுத்து கொள்வதாக முடிவுஎடுத்து திப்பணம்பட்டி பஞ்சாயத்திற்கு எழுத்து பூர்வமாக தெரிவித்தனர். பின்னர் ஆக்கிரமித்து கட்டியிருந்த வீடுகளின் முன்பகுதி மற்றும் தெருவோரக் கடைகள்  மற்றும் ஆக்கிரமித்து கொட்டப்பட்ட கழிவுகள் மற்றும் ரேசன்கடை அருகில் இருந்த அனைத்து கொடிகம்பங்களை அந்தந்த கட்சியினரே முன்வந்து அகற்றினர். பின்னர் கொடிகம்பம் அமைக்கபட்டிருந்த கான்கிரீட் மேடைகள் ஜேசிபி இயந்திரம் மூலம் அகற்றப்பட்டது மேலும் வாறுகாலில் ஆங்காங்கே இருந்த அடைப்புகளையும் சரிசெய்தனர். இதனால் நாட்டார்பட்டி, பூவனூர் சாலை சிலமணிநேரம் போக்குவரத்து துண்டிக்கப்பட்டது.கடலூர் மற்றும் சென்னை மழை நல்ல பாடம் கற்றுத்தந்தது ,மக்களும் பாடம் கற்றுக்கொண்டனர் ,இனியாவது அனைத்துஊர்களிலும் இது போன்ற ஆக்கிரமிப்புகளை அதிகாரிகள் ஆய்வு செய்து நீர் நிலைகளை ஆக்கிரமித்து கட்டிய கட்டிடங்களை அரசு அகற்ற முன்வரவேண்டும் மக்களும் அரசையே எதிர்பார்க்காமல் ஆக்கிரமிப்பு என தெரிந்தால் இயற்கையை எதிர்க்காமல் உரியவர்களே முன்வந்து அகற்றினால் பேரழிவுகளை தவிர்க்கலாம்

தமிழக வெள்ள நிவாரணத்துக்கு ரூ.25 கோடி நிதி உதவி வழங்கப்படும் உத்தரபிரதேச மாநில முதலமைச்சர் அகிலேஷ் யாதவ் தெரிவித்துள்ளார்.மேலும், தமிழகத்தில் நடைபெற்று வரும் மீட்பு பணிகள் அனைத்தும் பாராட்டுக்குறியது என்றும் கூறியுள்ளார்.

கடந்த 100 ஆண்டுகளில், முன்னெப்போதும் இல்லாத வகையில் பெய்து வரும் வரலாறு காணாத பலத்த மழையால் ஏற்பட்டுள்ள வெள்ளத்தால் சென்னை, திருவள்ளூர், காஞ்சிபுரம், கடலூர் மாவட்டங்கள் கடுமையாகப் பாதிக்கப்பட்டு இயல்பு வாழ்க்கை முற்றிலும் முடங்கியுள்ளது.

லட்சக்கணக்கான மக்கள் தங்களது வீடுகளை இழந்து பரிதவிக்கின்றனர். பாதிக்கப்பட்டவர்களுக்கு பல்வேறு நிறுவனங்களும், தன்னார்வ தொண்டு நிறுவனங்களும், தனிமனிதர்களும் தங்களின் உதவிகளை வழங்கி வருகின்றனர்.

தமிழகத்தின் துயரத்தில் பங்கேற்கும் வகையில் கர்நாடகா, பிகார், ஒரிசா மாநில முதலமைச்சர்கள் தலா ரூ.5 கோடி வெள்ள நிவாரண நிதியாக வழங்கி உள்ளனர்.

இந்நிலையில், உத்தரபிரதேச முதலமைச்சர் அகிலேஷ் யாதவ் கனமழையால் பாதிக்கபட்டுள்ள தமிழகத்திற்கு ரூ.25 கோடி நிதி உதவி வழங்கி உத்தரவிட்டுள்ளதாக அந்த மாநில அரசு வெளியிட்டுள்ள செய்தி குறிப்பில் தெரிவிக்கப்பட்டுள்ளது.

சென்னை:

கனமழை பெய்து சென்னையைப் புரட்டிப் போட்டுள்ள நிலையில், அங்கங்கே வெள்ள நீர் ஓரளவு வடிந்து வருகிறது. சென்னை இயல்பு வாழ்க்கைக்கு திரும்பிக் கொண்டிருக்கிறது. கடந்த 2 நாட்களாக பெரிய அளவில் மழைப் பொழிவு இல்லாமல் இருந்ததால், மீட்புப் பணிகள் தடங்கலின்றி நடைபெற்று வருகிறது.

இந்நிலையில், வரும் டிச.9, 10 இரு தினங்களில் கன மழை சென்னையில் இருக்கும் என்று பிபிசி வானிலை அறிக்கை குறிப்பிடுவது, பெரும் அச்சத்தை ஏற்படுத்தியுள்ளது.

புதன், வியாழன் இரு தினங்களில் சென்னையிலும், சுற்றுப் புறங்களிலும் கனத்த மழை பெய்யக்கூடும் என்று பிபிசி வானிலை அறிக்கையின் படம் காட்டுகிறது. இது சமூக வலைத்தளங்களில் பரவலாக பேசப்படுகிறது.
இந்நிலையில் இந்த படங்களை மையமாக வைத்து, மழை குறித்து செய்தியாளர்கள் கேட்டதற்கு, “நம் செயற்கைக்கோள் படங்களை வைத்து, இன்று இரவுதான் துல்லியமாக கணித்து நாளை கூற முடியும்” என்று சென்னை வானிலை மைய இயக்குனர் ரமணன் தெரிவித்துள்ளார்.

சென்னையில் மீட்புப் பணிகள் பரவலாக நடைபெற்று வருகின்றன. வெள்ளத்தில் வீடுகளை இழந்தவர்கள் பாதுகாப்பான இடங்களில் தங்க வைக்கப்பட்டு அவர்களுக்கு உணவு, உடை கொடுக்கப்பட்டு வருகிறது. சில இடங்களில் வெள்ளம் வடிந்துள்ளதால், வீடுகளை சுத்தம் செய்யும் பணிக்காக தங்கள் இருப்பிடங்களுக்கு சிலர் திரும்பியுள்ளனர். மேலும், செம்பரம்பாக்கம் ஏரி நீர் அடையாற்றில் திறந்து விடுவது குறைக்கப் படவில்லை. இந்நிலையில், மேலும் கன மழை பெய்தால், மீண்டும் வெள்ள அபாயம் ஏற்படும் என்று சென்னை வாசிகள் கவலை தெரிவித்துள்ளனர்.